IBA ring mangako si Alden Richards. Nang tanungin si Bea Binene sa presscon para sa kanyang debut kung sino ang kanyang first dance niya, sinabi niyang ang kaibigang si Alden ang first dance niya at last dance naman ang kanyang best friend na si Kristoffer Martin.
Pero kahit sumagot si Alden, hindi raw siya umaasa na makararating dahil alam niyang very busy ito.
Kaya kahit ongoing na ang kanyang debut sa Maynila Ballroom ng Manila Hotel noong November 3, wala pa ring confirmation kung makararating si Alden na nagsu-shooting ng My Bebe Love with Maine Mendoza para sa Metro Manila Film Festival. Si Kristoffer na ang naging first dance ni Bea at itinuloy na ito sa eighteen candles at pagkatapos ang eighteen roses, nang tawagin na si Alden para maging last dance ni Bea.
'Iconic women!' Pinakamalaki at pinakamaliit na babae sa buong mundo, nagkita!
“Hindi ka na talaga maabot,” wika ni Bea nang lumapit na si Alden, inabutan siya ng isang red rose at sumayaw sila.
Hindi napigilan ni Bea na maging emosyonal sa pagdating ni Alden na una niyang nakasama five years ago pa sa Tween Hearts at sa movie nilang Tween Academy. Napatunayan niyang hindi pa rin nagbabago ang kaibigan sa kabila ng mga tagumpay na tinatamasa nito.
Nagkaroon tuloy ng reunion ang cast noon ng Tween Hearts with Bea and Alden, sina Barbie Forteza, Joyce Ching, Kristoffer, Derrick Monasterio, Krystal Reyes, Joshua Dionisio, Ken Chan at Louise delos Reyes.
Samantala, ngayong hapon, pagkatapos ng kalyeserye ng Eat Bulaga, papuntang Iloilo City si Alden para sa Kapuso Fans Day roon. Kaya inaasahan ng Iloilo City government ang pagdating ng AlDub Nation at nag-announce na sila ng traffic rerouting scheme. Temporarily closed para sa vehicular traffic ang kabuuan ng Paseo de Iloilo (likuran ng Robinson’s Place), corner De Leon at Quezon Streets mula 7:00 p.m. to 10:00 p.m. Friday, November 6, kung saan gagawin ang event. Inilabas din nila ito sa Facebook account ng City Government.
Ang Kapuso Fans Day ni Alden ay magsisimula ng 5:00 PM. Mauuna ang pa-contest ng twerking dance na That’s My Bae for boys at sa girls naman ang Dubsmash Like Yaya na naka-costume ni Yaya Dub ang contestants.
Kung may available flight pagkatapos ng show, malamang bumalik din mamayang gabi si Alden for Manila para makapaghanda naman siya para bukas sa Eat Bulaga na muli silang magpi-perform ni Maine sa Broadway Studio, after ng una nilang performance sa Tamang Panahon sa Philippine Arena last October 24. (NORA CALDERON)
