SAMAHAN si Drew Arellano na silipin ang taunang Panagbenga Festival at iba pang kuwento at adventures ngayong Linggo sa award-winning informative show na Aha! sa GMA-7.
Ngayong linggo na gaganapin ang grand float parade ng Panagbenga Festival, ang taunang flower festival sa Baguio na itinatag noong 1996 bilang pasimbolo sa ‘rebirth’ o ‘blossoming’ ng Baguio matapos ang Luzon earthquake noong 1990. Alamin sa Aha! kung anu-ano ang mga paghahanda para magawa ang mga dambuhalang floral float na ipinaparada rito.
Tampok din sa Aha! ang tagisan ng Pinoy superheroes sa isang bagong ballet-musical; ang nakamamanghang astronomy show sa isang planetarium sa UP; at ang latest update sa Project Mars, isang one-way trip sa Red Planet na naglalayong bumuo ng human colony doon.
Empleyadong lasing, patay matapos sapakin ng ginising na katrabaho
At dahil nalalapit na ang summer vacation, samahan ang Aha! na subukan ang bike zipline, Australian rundown, giant swing at iba pang adrenaline-pumping adventure na matatagpuan sa Pugad Pugo Adventure sa Pugo, La Union.
Tuklasin ang iba’t ibang kaalaman sa Aha! kasama si Drew Arellano ngayong Linggo, 9 AM, sa GMA-7.
