Proyekto para sa OFWs na balik-pagtuturo, pinuri

May 28, 2015

Pinuri ng Malacañang ang isang proyekto na magbibigay ng pagkakataon sa mga overseas Filipino worker (OFW) na dating mga guro na muling makapagturo, partikular sa mga pampublikong paaralan.

Sa ilalim ng proyektong “Sa ‘Pinas, Ikaw ang Ma’am/Sir” ng Department of Education (DepEd) at Department of Labor and Employment (DoLE), mahigit sa 300 posisyon para sa mga public school teacher ang ilalaan sa mga OFW na nais bumalik at magturo sa bansa.

”We congratulate Labor Secretary Rosalinda Baldoz and Education Secretary Brother Armin Luistro for launching and pushing this kind of program,” pahayag ni Presidential Communications Operations Office (PCOO) Secretary Herminio Coloma Jr. sa panayam ng Radyo ng Bayan.

Sinabi ni Coloma na hiniling ng DoLE sa DepEd na maglaan ng hindi bababa sa 300 posisyon para sa mga OFW bilang karagdagang guro sa mga pampublikong paaralan.

”According to DepEd, there will be at least 39,000 vacant positions for Teacher 1 for this school year 2015,” ani Coloma.

Ayon pa kay Coloma, ipinarating na ni Luistro sa kaalaman ni Baldoz ang pagpasa ng unang batch ng 10 guro sa screening process ng DepEd upang makapagsimula na sa kanilang bagong trabaho. - PNA

Mga kasama ni Alice Guo na nahuli sa Indonesia, nakabalik na sa 'Pinas!

Matapos mahuli sa Indonesia, nakabalik na sa Pilipinas ang kapatid ni dismissed Bamban, Tarlac Mayor Alice Guo na si Sheila at kaibigan nitong si Cassandra Li Ong.Nakabalik sina Sheila at Cassandra Pilipinas nitong Huwebes ng hapon, Agosto 22.Matatandaang nitong Huwebes ng umaga nang ianunsyo ni Department of the Interior and Local Government (DILG) Secretary Benhur Abalos na nabalitaan niya sa...

ALAMIN: Mpox variant na nasa bansa, hindi nga ba nakamamatay?

Kinumpirma ng Department of Health na mayroon ng 10 kaso ng Monkeypox virus sa bansa nito lamang Miyerkules, Agosto 21.Kasunod ng naunang tala ng ahensya noong Agosto 19, iginiit ng kagawaran na hindi nakamamatay ang mpox variant na nasa Pilipinas na tinawag nilang mpox Clade II.Ang mpox virus ay mayroong dalawang variant, ang Clade I at Clade II. Ayon sa National Institute of Allergy and...

Pagpapabalik sa PH ng 2 nahuling kasama ni Alice Guo, inaasikaso na! -- PBBM

Ipinahayag ni Pangulong Ferdinand “Bongbong” Marcos Jr. na nakikipag-ugnayan na ang Pilipinas sa Indonesia para sa agarang pagpapabalik sa bansa ng nahuling kapatid ni dismissed Bamban, Tarlac Mayor Alice Guo na si Sheila at kaibigan nitong si Cassandra Li Ong.Sa panayam ng mga mamamahayag, sinabi ni Marcos na inaasahang makakabalik na ng bansa sina Sheila at Cassandra ngayon ding Huwebes,...