KUNG inamin ni Julian Estrada na nakarelasyon niya si Julia Barretto, at ni Iñigo Pascual na ka-MU (mutual understanding) niya ang leading lady niyang si Sofia Andres sa presscon ng Relaks, It’s Just Pag-Ibig, hindi rin nagpahuli si Ericka Villongco sa pag-amin na ex-boyfriend niya si James Reid na ka-love team ngayon ni Nadine Lustre.

Paradigm shift ang tawag ni Bossing DMB sa posibleng maging epekto sa show business ng honesty na ipinakita ng grupo ng newcomers na ito. May trend maging sa politics na honest leaders na ang hinahanap ng publiko, kaya big possibility na bigla nang pagsasawaan o baka tuluyan nang malaos ang mga artistang sinungaling at paeklat kung magsasagot sa mga interview.

Anyway, hindi namin nakilala si Ericka kaya tinanong namin ang ilang katoto kung sino ‘yung girl na naka-gold ng damit at nakarelasyon nga raw ni James ang sagot sa amin.

National

Agusan del Sur, nilindol ng magnitude 5.3

Dumaan sa audition si Ericka para sa papel niya sa Relaks, It’s Just Pag-Ibig, “saktung-sakto sa kanya ‘yung role, hindi na kami naghanap pa, siyang-siya kasi,”sabi ng producer ng Spring Films na si Erickson Raymundo.

Samantala, disbanded na ang Ericka and Krissy duo dahil bumalik sa pag-aaral ang una, na second year na sa Marketing sa Enderun Colleges sa The Fort, Taguig City.

“She (Krissy) has an album po right now, ako naman, I’m back to school. And I want her (Krissy) to focus on her own thing kasi it’s her passion to sing and write original songs,” paliwanag ng dalaga.

Itinigil muna niya ang pagkanta-kanta, “I’m putting it on hold now, maybe in the future, I’ll make my own album again po.”

Inamin ni Ericka na sobrang depressed siya nang maghiwalay sila ni James Reid. Nagsimula ang kanilang relasyon noong Enero 2011, right after he won the PBB Teen Clash.

“I was very depressed, we were so much in love with each other, very, very,” pahayag ni Ericka.

May ligawan bang nangyari kina Ericka at James?

“Kasi James is Australian, and he’s not used to the Filipino culture of courtship. I met him during our music video sa You Don’t Say You Love Me, siya ‘yung leading man namin. We started out as friends, and ever since then, lumalabas na kami, we were together for three and a half years.

“It was a lot of things kaya kami naghiwalay but I guess, life happened, we wanted to focus both on our own careers and I’m very happy for him, very proud of him,” sey ni Ericka.

Mutual decision ang paghihiwalay ng dalawa.

“He got busy then kasi for Diary ng Panget,” saad ng dalaga.

Hindi kaya pinayuhan si James na hiwalayan si Ericka para hindi makasagabal sa love team nila ni Nadine?

“Ay, hindi naman po, no-no!” mabilis na sagot ng dalaga.

Ikalawang boyfriend ni Ericka si James, “But very, very serious to the point that we can’t do anything else because we were so in love with each other but it became toxic because like we couldn’t focus on ourselves,” pagtatapat ng dalaga.

Hindi naman daw pinagalitan si Ericka ng magulang niya.

“They let me do what I want because they also like James very much but I didn’t like it for myself as well, it got hard.”

Nagkikita naman sila sa mga gimikan.

“We bumped into each other once in a while, kasi we have the same common friends. Dedma lang kami, we looked at each other, pero wala. Bad break-up talaga,” pag-amin pa ng dalaga.

Mahal pa ba ni Ericka si James Reid?

“I think, you can never unlove a person, especially three years is not something you can just let out. I care about him, I care about him a lot.”

Kung sakaling bumalik si James, tatanggapin ba ni Ericka?

“Not right now.”

Sigurado si Ericka na wala pang bagong girlfriend si James.

“Not that I know, but I think, he’s also focusing on his career.”

At wala rin siyang boyfriend.

“I’m scared. I mean, there are some guys but I don’t want anything serious.”

Paano kung sina James at Nadine na, sasama ba ang loob ni Ericka dahil hindi siya ang binalikan?

“Not at all. Kasi si Nadine, right after ng break-up namin, we talked through Twitter DM (direct messaging), ‘tapos she consoled me and she told me, ‘I’m here for you,’ hayun. She was very nice, very down-to-earth. Honestly, I wouldn’t mind if it would be Nadine, kasi, when I met her, she’s very warm; she was down-to-earth, just like James. Kung gusto niya at gusto ni James, then it’s up to them,” magandang tugon ng dalaga.