Pinasadsad ng Mapua ang kapwa NCAA team na Emilio Aguinaldo College (EAC), 90-88, sa semifinals ng 12th Fr. Martin Division 2 Cup basketball tournament sa St. Placid gymnasium sa San Beda College-Manila campus sa Mendiola.
Sinandigan ng Cardinals ang kanilang depensa, partikular kay Generals point guard Francis Munsayac sa final minute upang maitakda ang kanilang final showdown ng Enderun College Titans sa torneong ito na suportado ng Bauerfein at Wang’s Basketball.
Ang Titans ay pinamunuan nina Jordan Rios, Earvin Maravilla at Willy Kamguia na nagsipagtala ng 24, 15 at 13, ayon sa pagkakasunod, kung saan ay ipinahiya nila ang San Beda College Red Lions-A sa kanilang homecourt, 73-66.
Naisalpak ni Stephen Que ang isa sa free throw, may nalalabi na lamang 37 segundo, para sa pagwawagi ng Cardinals.
UP, top university pa rin sa Pinas; Iba pang paaralan sa bansa, pasok sa Asian ranking!
Nanguna naman si Rios para sa Titans na nagsalansan ng decisive 14-2 blast sa huling 3 minuto ng laro sa kanyang ipinosteng 24 puntos.
Tumapos na top scorer para sa Red Lions si Marcus Ejercito at Kyle Carlos na kapwa nagtala ng tig-13 puntos.
