LOS ANGELES (Reuters) – Ang mga anak ni U.S. President Barack Obama, entertainers, isang Nobel laureate at isang babaeng baseball player ay napabilang sa taunang listahan ng Time magazine ng pinakamaimpluwensiyang teenagers sa mundo.
Pumasok ang first daughters na sina Malia, 16, at Sasha, 13; ang Grammy-winning New Zealand singer na si Lorde, 17; at ang Pakistani education activist na si Nobel Prize Winner Malala Yousafzai, 17, sa unranked list na dominado ng 20 babae.
Ayon sa Time, tinukoy nito ang 25 pinakamaimpluwensiyang teenagers sa pagsusuri sa kanilang social media following, tagumpay sa kinabibilangang larangan at kahalagahan sa kultura.
Pinakabata sa tala si Sasha Obama at ang kapwa niya 13-anyos na si Mo’ne Davis, ang pitching sensation na nanguna sa kanyang Philadelphia boys’ baseball team sa Little League World Series at itinampok pa sa cover ng Sports Illustrated magazine.
Bilang ex-DepEd chief: VP Sara, masaya sa naitayong museo sa Camarines Norte
Tinukoy si Tavi Gevinson, ang 18-anyos na fashion writer at nagtatag ng sikat na online magazine na Rookie, bilang simbolo ng contemporary teen sa Internet age, pasok din sa listahan ang 14-anyos na transgender activist na si Jazz Jennings at ang Hong Kong pro-democracy activist na si Joshua Wong, 18 anyos.
Dominant categories ang mga atleta, aktor at singer.
Napabilang din sa taunang Time’s list ang mga aktor na sina Kiernan Shipka, 14, ng Mad Men; Rico Rodriguez, 16, ng Modern Family; at Chloe Grace Moretz, 17, ng The Equalizer.
Gayundin ang pop singers na sina Becky G., 17; Austin Mahone, 18; ang New Zealand pro golfer na si Lydia Ko, 17, at ang 17-anyos na miyembro ng Afghan National Cycling Team na si Salma Kakar.
Sa murang edad ay tagumpay na sa pagnenegosyo ang 15-anyos na si Erik Finman, nagtatag ng online tutoring site na Botangle.com; ang YouTube fashion star na si Bethany Mota, 18; at ang actress-turned-stockpicker na si Rachel Fox, 18.
Kilala naman ang Irish trio na sina Ciara Judge, 16; Emer Hickey, 17; at Sophie Healy-Thow, 17, sa pagtuklas nila ng bacteria na nag-iimbak sa lupa ng nitrogen mula sa hangin.
Kinilala naman sa listahan si Jaden Smith, 16, anak ng mga aktor na sina Will Smith at Jada Pinkett Smith, dahil sa kanyang acting at Twitter following, habang tinukoy naman ang mabilis na pagsikat sa Hollywood at merchandising careers ng magkapatid na reality TV stars na sina Kendall Jenner, 18; at Kylie Jenner, 17 anyos.
