Ni CHIT A. RAMOS
MAITUTURING na pinakamasayang presscon para kay Richard Gomez ang ipinatawag ng TV5 para sa game show niyang Quiet Please! Bawal ang Maingay! sa Annabel’s resto noong Lunes, at mapapanood na sa Linggo, alas-8 ng gabi.
Nadama ni Richard ang pinakamainit na welcome para sa kanya ng entertainment press at nakita rin ng TV5 kung gaano kahalaga sa kanila ang dating numero unong aktor ng Regal Films ni Mother Lily Monteverde.
Libreng toll fee sa NLEX,SCTEX at iba pang expressway, ipatutupad sa Pasko at Bagong Taon
Si Richard ang itinuring na nag-iisang “Adonis ng Pelikulang Pilipino” dahil taglay niya ang mga katangian ng isang tunay na Pilipino: ”Tall, dark and very handsome.
Hindi pa rin nagbabago ang angas ni Richard bilang actor. Mula ulo hanggang paa, naroon pa rin ang Richard na natuklasan ng master discover na si Douglas Quijano (SLN). Walang binatbat kay Richard ang lahat ng mestisuhing actor na contract stars ni Mother Lily, noon hanggang ngayon.
Si Richard din ang sagot sa dasal ng isang Lucy Torres nang magkasama sila sa isang shampoo commercial 21 taon na ang nakakaraan.
Grade 6 pa lang si Lucy nang matuklasan niyang nag-e-exist pala ang ‘man of her dreams.’
“I used to write his name on a piece of paper at nag-pray ako na siya ang ibigay sa akin ni Lord na makakasama ko habang buhay,” ani Lucy sa isang interview.
Probably, prayers brought Richard and Lucy together, kaya maituturing ni Richard that his life with Lucy is made in heaven.
Wala si Lucy sa presscon ng Quiet Please! Bawal ang Maingay pero siya at siya lagi-lagi ang favorite topic of conversation sa bawat table.
Tiyak na malulunod sa saya ang mga manonood ng game show ni Richard hindi lamang dahil kasama niya as co-host si K Brosas kundi sa magiging pilot guests ng show na tatawaging “Team Sexy” na binubuo nina Derek Ramsay, Alice Dixon, at Wendell Ramos.
May “Team Katawan” din na magbibigay sa televiewers ng isang libo’t isang katuwaan at kadramahan dahil darating ang closest friends niya sa showbiz at unforgetable on-screen television and movie partners.
May reunion ding magaganap sa “Team BFF” niya, headlined by Joey Marquez, Anjo Yllana and Snooky Serna.
Huwag na huwag kaligtaang panoorin ng Quiet Please! Bawal ang Maingay! sa Linggo.
