Mariing itinanggi ni Col. Raymund Dante Lachica, isang opisyal ng Armed Forces of the Philippines (AFP), ang mga paratang na nag-uugnay sa kaniya sa umano’y mga ilegal na gawain batay sa affidavit ni Ramil Madriaga.
Sa kaniyang pahayag, iginiit ni Lachica na wala siyang anumang koneksyon kay Madriaga, na nagsabing bahagi umano siya ng Vice Presidential Security and Protection Group (VPSPG).
Ayon kay Lachica, hindi kailanman naging operatiba o asset si Madriaga, kaya’t aniya’y walang basehan ang mga alegasyong nag-uugnay sa kaniya sa Philippine Offshore Gaming Operators (POGO) at drug money.
"The accusations linking my name to supposed ‘POGO money,’ ‘drug money,’ and other alleged irregularities are completely baseless," saad ni Lachica.
Dagdag pa niya, "These allegations were widely discussed in media platforms, creating a misleading narrative that wrongdoing had already been established. This kind of trial by publicity undermines fairness and damages reputations without due process."
'Mahal n'ya mga Pilipino!' Sen. Robin, 'di umalis ng bansa si Sen. Bato
Bukod dito, pinabulaanan din ni Lachica ang hinala na may impluwensiya o iregularidad sa kaniyang pagkakatalaga bilang pinuno ng VPSPG, at binigyang-diin na ito ay dumaan sa tamang proseso at batay sa kanyang kakayahan.
Nilinaw din niya ang isyu ukol sa paggamit ng confidential funds, na aniya’y pinangangasiwaan sa ilalim ng malinaw at itinatag na mga alituntunin, taliwas sa mga ibinibintang sa affidavit.
“I remain confident that the legal process will ultimately reveal the truth and expose the baseless nature of these accusations. I also urge all parties to respect the ongoing legal proceedings and refrain from further attempts to litigate this issue in the court of public opinion,” ani Lachica.
“The public deserves the truth—and the truth will come out through the proper process of law,” dagdag niya.
Matatandaang mabilis na lumutang ang pangalan ni Madriaga noong Disyembre 11, 2025, kung saan naghain siya ng kaniyang sworn affidavit kaugnay sa direktang pagtatrabaho niya umano noon kay VP Sara at sa mga umano’y mga katiwaliang kinasangkutan nito.
Ani Madriaga, naatasan raw siya noong buuhin ang grupong Inday Sara Duterte Is My President (ISIP) para sumuporta sa kandidatura nito noong 2022 election.
KAUGNAY NA BALITA: VP Sara, magsasampa ng kaso laban kay Ramil Madriaga!
