Pinuri ni Davao City 1st District Rep. Paolo “Pulong” Duterte ang paninindigan ng kapuwa niya mambabatas na si Rep. Jesus “Bong” Suntay kaugnay sa dalawang impeachment complaints laban sa kapatid niyang si Vice President Sara Duterte.
Matatandaang si Rep. Suntay ang natatanging bumoto ng “no” sa parehong reklamo kontra kay VP Sara bago ideklara ng Kamara na “sufficient in substance” ang mga ito.
“I commend Rep. Bong Suntay for standing his ground and refusing to be intimidated or pressured into joining this political exercise,” saad ni Rep. Pulong sa kaniyang latest Facebook post nitong Miyrekules, Marso 4.
Dagdag pa niya, “In a room where many chose convenience over conviction, he showed that courage and integrity in public service still exist—even if it means standing alone.”
Samantala, pinaalalahanan naman ni Rep. Pulong ang 54 na kongresistang bumoto ng “yes” sa impeachment complaints.
Sundalong Fil-am, kabilang sa mga nasawi sa giyera ng Iran-US
Aniya, [P]olitical power is temporary, but accountability to the Filipino people is permanent. You may have the numbers today, but history has a way of judging those who abuse their authority.”
Nakatakda nang mag-isyu ng notice ang House Panel para kay VP Sara matapos desisyunan ang reklamo laban sa kaniya. Bibigyan siya ng sampung araw para sumagot sa mga akusasyon.
