Nagbigay si Caloocan City 2nd district Rep. Edgar “Egay” Erice ng kaniyang mga pahayag matapos pumalit sa kaniyang puwesto si Mamamayang Liberal (ML) Party-list Rep. Atty. Leila De Lima bilang bagong House Senior Deputy Minority Leader.

Naganap ang pagpapalit ng liderato matapos maghayag ng manipestasyon si 4Ps Party-list Rep. Marcelino “Nonoy” Libanan sa ginanap na sesyon ng Kamara noong Martes, Marso 3, kung saan sinabi niyang inihahalal ng minorya si De Lima sa nasabing posisyon.

“On the part of the minority, I moved to nominate and elect Rep. Leila M. De Lima of the Mamamayang Liberal (ML) Party-list as Senior Deputy Minority Leader,” saad ni Libanan.

MAKI-BALITA: Rep. De Lima, pumalit kay Rep. Erice bilang bagong House Senior Deputy Minority Leader-Balita

Ayon kay Erice, nananatili pa rin naman daw ang kaniyang kaalaman at karanasan, kahit pa hindi na siya ang Senior Deputy Minority Leader ng Kamara.

“I may no longer have the position. I may no longer have the committee memberships. But I still have my knowledge, my experience, and my voice to stand against what is unjust, what is corrupt, and what is abusive,” saad ni Erice sa ibinahagi niyang Facebook post nitong Miyerkules, Marso 4.

Giit niya, “I am no longer the Senior Deputy Minority Leader, but beware—I will be the equalizer in this House.”

Dagdag pa ng kongresista, naniniwala siyang nagawa niya naman daw ang kaniyang tungkulin noong siya pa ang nasa puwesto.

“I believe that I have faithfully performed my duty as Senior Deputy Minority Leader. I have raised questions. I have spoken the truth. I have offered well-meaning criticisms in the interest of accountability,” anang kongresista.

Vincent Gutierrez/BALITA