Palasyo sa INC: 'Hindi iniiwan ni PBBM ang pangakong mananagot ang dapat managot!'-Balita

Palasyo sa INC: 'Hindi iniiwan ni PBBM ang pangakong mananagot ang dapat managot!'

Nanindigan ang Malacañang na patuloy ang pag-usad ng mga ikinakasang imbestigasyon ng pamahalaan hinggil sa isyu ng korapsyon at maanomalyang flood control projects sa iba’t ibang bahagi ng bansa.

Kaugnay ito sa panawagan ng religious group na Iglesia ni Cristo (INC) sa tila kawalan umano ng kalutasan sa mga nasabing isyung kinahaharap ng bansa sa kasalukuyan.

"Mahigit tatlong buwan na ang lumipas subalit wala pa ring natatanaw ang mga mamamayan na kalutasan sa napakalaking pangungulimbat sa kaban ng bayan," saad ni INC spokesperson Bro, Edwil Zabala kamakailan.

MAKI-BALITA: 'Papanagutin ang dapat managot! INC, nanawagang tuldukan na ang malawakang katiwalian sa bansa-Balita

Sa isinagawang press briefing ng Presidential Communications Office (PCO) nitong Lunes, Marso 2, sinabi ni PCO Undersecretary at Palace Press Officer Atty. Claire Castro na kasabay ng mga imbestigasyon ay ang pagtutok ni Pangulong Ferdinand “Bongbong” Marcos Jr. sa pag-angat ng antas ng ekonomiya ng Pilipinas.

“Katulad po ng ating sinabi, ang tinututukan po ngayon ng Pangulo ay ang ekonomiya. Pero, hindi po iniiwan ang kaniyang pangako na dapat managot ang dapat na managot,” saad ni Castro.

Ayon pa sa press officer, nakaantabay na ang mga tamang ahensya para sa mga nabanggit na isyung dapat imbestigahan.

“Ang sa Pangulo lamang po, ay nandiyan na po ang mga tamang ahensya dahil napasimulan niya na po ito—nagabayan na po at naiutos na—at nandiyan na po ang [Independent Commission for Infrastructure] ICI, pati po ang Ombudsman, ang [Department of Justice] DOJ na nagpapatuloy po sa pag-iimbestiga,” anang press officer.

“Hindi rin naman po tumitigil ang [Department of Public Works and Highways] DPWH para malaman ang mga anomalyang naganap sa pag-aabuso sa pondo ng bayan,” dagdag pa niya.

Sa parehong press briefing, sinabi naman ng Palasyo na nakipag-ugnayan na sila sa Office of the Executive Secretary (OES) upang makuha na ang pinakahuling balita ukol sa ICI.

KAUGNAY NA BALITA: Sen. Imee, Iglesia ni Cristo magkapatid sa katotohanan at pananagutan-Balita

KAUGNAY NA BALITA: INC, pinabubuksan sa publiko ang imbestigasyon ng ICI-Balita

Vincent Gutierrez/BALITA

Sa kabila ng sigalot: Overseas voter registration sa Middle East, tuloy!

Inanunsiyo ng Commission on Elections (Comelec) na tuloy ang overseas voter registration sa Middle East, sa kabila ng nagaganap na tensiyon doon. Sa abiso ng Comelec nitong Lunes, sinabi nito na tuloy pa rin ang pagrerehistro nila ng overseas voters dahil nananatili pa ring operational ang mga Philippine foreign posts sa rehiyon. “As of March 2, overseas voter registration activities in...

Ombudsman Remulla, kinumpirma pakikipagpulong sa ICC investigators noon

Nilinaw sa publiko ni Ombudsman Jesus Crispin “Boying” Remulla na nagkaroon daw siya ng pakikipagpulong kay dating senador Antonio “Sonny” Trillanes IV at sa dalawang International Criminal Court (ICC) investigators noon. Ayon sa naging panayam ng GMA Integrated News kay Remulla nitong Lunes, Marso 2, 2026, sinabi niyang totoo raw na nakipag-usap siya kay Trillanes at ipinakilala nito sa...

Pang-asar kay VP Sara, DDS? Rep. De Lima, binuyangyang laman ng maleta, paper bag

Umani ng reaksiyon at komento mula sa mga netizen ang ibinahaging video ni Mamamayang Liberal (ML) party-list Rep. Leila De Lima kung saan makikitang may bitbit siyang isang maleta at paper bag. 'POV: Ang laman ng maleta at paper bag ni De Lima,' mababasa sa caption ng video. Sa video, makikitang habang naka-Filipiniana si De Lima ay naglalakad siya habang hila ang isang maleta at tangan...