Nakatikim ng lecture kay human rights lawyer Atty. Kristina Conti si Davao City 1st District Rep. Paolo “Pulong” Duterte kaugnay sa hurisdiksyong saklaw ng International Criminal Court (ICC).
Tinuligsa kasi kamakailan ni Duterte ang aniya’y pagsasawalang-kibo ng ICC sa gitna ng sigalot sa Gitnang Silangan.
“As bombs fall on Iran, the ICC suddenly turns blind, deaf, and mute. No emergency statements. No dramatic press briefings. No urgency to assert jurisdiction. This silence is not neutrality—it is complicity,” anang kongresista.”
Ngunit sa isang Facebook post ni Conti nitong Lunes, Marso 2, sinabi niyang United Nations (UN) umano at hindi ICC ang dapat na tumitindig sa gitna ng nangyayaring bombahan.
“Ang ICC ay korte na nakabatay sa Rome Statute para sa jurisdiction. Sa West Asia/Middle East region, Jordan, Palestine, at Tunisia lang ang miyembro ng ICC,” saad ni Conti.
OFWs sa Saudi Arabia, binalaan sa pag-upload ng mga larawan at videos
Dagdag pa niya, “Pumirma sa Rome Statute pero hindi pa tuluyang sumali ang Iran, Kuwait, at United Arab Emirates. Ang US at Israel, na kasama sa mga aggressors dito, ay kapwa hindi rin miyembro ng ICC.”
Matatandaang inanunsiyo ni US President Donald Trump noong Sabado, Pebrero 28, ang hudyat sa pagsisimula ng kanilang major combat operation kontra Iran.
Maki-Balita: US Pres. Donald Trump, inanunsyo simula ng major combat operation vs Iran!
