De Lima, ipinapanukala 'fuel subsidy' para sa nakaambang epekto ng US-Israel, Iran war-Balita

De Lima, ipinapanukala 'fuel subsidy' para sa nakaambang epekto ng US-Israel, Iran war

Nais isabatas ni Mamamayang Liberal Party-list Rep. Atty. Leila de Lima ang House Bill (HB) No. 8031, o ang “Fuel Subsidy Program Act.”

Bunsod ito ng inaasahang epekto sa presyo ng petrolyo sa girian at tensyong nagaganap sa pagitan ng puwersa ng Estados Unidos at Israel kontra sa bansang Iran.

Ayon sa ibinahaging pahayag ni De Lima sa kaniyang Facebook post noong Linggo, Marso 1, layon daw ng panukala na bigyan ng sapat na budget ang mga apektadong sektor ng nasabing isyu.

“Isa sa nakababahalang epekto ng mga tensyon at kaguluhan sa Gitnang Silangan ay ang pagtaas pa ng presyo ng produktong petrolyo, na malaking dagok sa kabuhayan ng ating mga PUV drivers, magsasaka at mangingisda,” saad ni De Lima sa kaniyang post.

Aniya, “Under our proposed House Bill (HB) No. 8031 or the ‘Fuel Subsidy Program Act,’ we aim to provide a monthly fuel subsidy of not less than P7,000 to them and other low-income sectors.”

Anang mambabatas, makatutulong daw ito sa mga manggagawang lubos na maaapektuhan ng tensyon sa rehiyon ng Gitnang Silangan.

“Through this measure, Filipino workers in sectors largely dependent on oil will be provided with stability in their livelihoods, regardless of geopolitical developments that inevitably affect oil prices,” anang mambabatas.

Giit niya, “This is an example of a program to which our State should provide funding, instead of projects that never materialize and only benefit a few, including those who pocket kickbacks.”

“HB 8031, isabatas!” pagtatapos ni De Lima.

Ayon naman kay Department of Energy (DOE) Secretary Sharon Garin, dapat na raw asahan ang pagtaas ng presyo ng naturang produkto.

"Ang presyo talaga taas 'yan. I will not sugarcoat it. Sabihin mo na may oil na darating, tataas talaga dahil sa tensyon. The stress of the market will increase the price hanggang mag-stabilize 'yan. We need to expect that," ani Garin.

MAKI-BALITA: ‘We need to expect that!' DOE, kinumpirma posibilidad na pagratsada ng presyo ng produktong petrolyo-Balita

Samantala, iniutos naman ni Manila Mayor Isko Moreno ang pagbawas sa paggamit ng produktong petrolyo bunsod ng tensyon sa Middle East.

"The City government of Manila must act to protect public funds, maintain essential public services and reduce exposure to fuel supply and price shocks by instituting immediate fuel conservation measures," ani Moreno.

MAKI-BALITA: Yorme, ipinag-utos pagbabawas ng paggamit ng produktong petrolyo dahil sa banta ng gulo sa Middle East-Balita

Vincent Gutierrez/BALITA

OFWs sa Saudi Arabia, binalaan sa pag-upload ng mga larawan at videos

Pinaalalahanan ng Philippine Embassy ang Overseas Filipino Workers (OFWs) sa Saudi Arabia nitong Lunes, Marso 2, hinggil sa pagkuha ng mga litrato at videos sa kasagsagan ng gulo sa iba’t ibang bansa sa Middle East kamakailan. Sa pahayag ng Embahada, binanggit na ang pag-upload o pagbabahagi ng mga larawan o video ng mga ipinagbabawal at limitadong lugar sa Saudi, ay posibleng mapatawan ng mga...

Minerong nagmamaneho ng bulldozer, nalibing nang buhay dahil sa landslide!

Isang minero ang nasawi matapos magkaroon ng landslide sa isang coal mining pit sa Caluya, Antique noong Linggo, Marso 1, 2026. Minero asng biktima sa Semirara Mining and Power Corp. (SMPC) kilala bilang pinakamalaking coal producer sa bansa. Ayon sa Caluya Municipal Police Station (MPS), kinilala ang biktima na si alyas 'Ronilo,' 48 taong gulang. Batay sa imbestigasyon, minamaneho ng...

EDCA sites sa Pilipinas, 'di target ng Iran laban sa US—DND

Nanindigan ang Department of National Defense (DND) na walang direktang banta ang sigalot ng Iran laban sa US-Israel forces, sa mga Enhanced Defence Cooperation Agreement (EDCA) sites sa bansa. Sa pahayag na inilabas ni DND Spokesperson Arsenio Andolong, idiniin niyang ang EDCA ay hindi pagmamay-ari ng US at hindi maaapektuhan ng kaguluhan sa Middle East. 'There is no credible direct threat...