Kinuwestiyon ni International Criminal Court (ICC) Prosecutor Julian Nicholls ang pagiging inosente ni dating Pangulong Rodrigo Duterte sa pagpapasimuno umano ng mga serye ng pamamaslang sa Pilipinas.
Sa closing statement ni Nicholls sa ikaapat na araw ng confirmation of charges hearing nitong Biyernes, Pebrero 27, ipinresenta niya ang bahagi ng farewell speech ni Duterte sa ginanap na thanksgiving party sa Hong Kong noong Marso 9, 2025, ilang araw bago arestuhin ang dating Pangulo para ikulong sa The Hague, Netherlands.
"Assuming na totoo, totoo talaga ‘yong naririnig ninyo, bakit ko ginawa ‘yan? Para sa sarili ko? Para sa pamilya ko? Para sa inyo at sa inyong mga anak sa aking bayan." saad ni Duterte sa nasabing talumpati.
Kaya ani Nicholls, “What innocent person ever said, 'Assuming I commit all these murders, it was for a good reason.' That's what they [the Defense] would like you to believe.”
“And he [Duterte] says he did it, not for himself, not for his family, but for the Filipino people, and it's obvious what he's talking about. He's talking about the murders,” dugtong pa ng ICC Prosecutor.
Kaufman, nagsumamong ‘wag kumpirmahin mga kaso ni FPRRD
Kasalukuyang nahaharap si Duterte sa three counts of crimes against humanity sa ICC. Sakaling makumpirma ang mga charges na isinampa laban sa kaniya, magpapatuloy ang paglilitis.
