Iginiit ng kampo ni dating Pangulong Rodrigo Duterte na hindi ang buong sambayanang Pilipino ang target ng kampanya kontra droga kundi ang mga hinihinalang sangkot sa ilegal na droga at kriminalidad.
Sa presentasyon ng merits ng kampo ni Duterte sa ikatlong araw ng confirmation of charges hearing nitong Huwebes, Pebrero 26, 2026, inihayag ng kaniyang lead defense counsel na si Nicholas Kaufman inilatag niya ang naturang argumento.
Ayon kay Kaufman, “The target of the attack was not the Filipino as a whole but the suspected drug personalities and criminals.”
Dagdag pa niya, “So, let us ask ourselves whether the alleged attack in this case was directed at the population as a whole or at a subjectively defiant subgroup of perceived or alleged criminal offenders.”
Pinuna rin ni Kaufman kung bakit hindi agad inimbestigahan ng International Criminal Court (ICC) prosecution ang kaso ni Duterte.
Terminong 'high-value target' sa drug war, walang koneksyon sa patayan—Kaufman
Nauna nang sinabi ng abogado na “substantial” ngunit “inadequate” ang ebidensyang iniharap ng prosekusyon laban sa dating pangulo.
“If Rodrigo Duterte was so shamelessly brazen as to broadcast his murderous intent in public ever since he was the mayor of Davao City, why did it take the ICC prosecution almost four years to open an investigation after Rodrigo Duterte pulled his country out of the ICC?” ani Kaufman.
Patuloy ang pagdinig ng ICC kaugnay sa mga alegasyon laban kay Duterte hinggil sa kaniyang kampanya kontra ilegal na droga noong siya ay alkalde ng Davao City at naging pangulo ng bansa.
MAKI-BALITA: Kaufman, binanatan local media na nagko-cover sa kaso ni FPRRD
