PNP, nakamata sa mga grupong magbabalak pumunta sa Malacañang-Balita

PNP, nakamata sa mga grupong magbabalak pumunta sa Malacañang

Nilinaw sa publiko ng Philippine National Police (PNP) na nakabantay rin daw sila sa ibang mga grupo na posibleng magplanong magsagawa ng kilos-protesta at pumunta sa Palasyo kasabay sa paggunita ng ika-40 taong anibersaryo ng EDSA People Power Revolution.

Ayon sa isinagawang press conference ng PNP nitong Miyerkules, Pebrero 25, 2026, sinabi ni Police Brigadier General Ponce Rogelio Peñones, Jr., malinaw daw ang direktiba ni PNP Chief General Jose Melencio Nartatez, Jr., na pagpapatupad ng kanilang hanay ng seguridad at kaligtasan ng publiko.

Aniya, sisiguraduhin daw nilang maidaraon nanng maayos at tahimik ang mga ikakasang kilos-protesta ng iba’t ibang mga grupo para sa paggunita ng anibersaryo ng EDSA People Power Revolution.

“Napakaliwanag po ng direktiba ng ating chief PNP sa pagpapatupad ng security and public safety coverage for the whole day na siguraduhing mapanatili ang katahimikan, kaayusan [o] maidaos ito nang maayos,” pagsisimula niya.

Pagbabahagi niya, nagpakalat na raw ang PNP ng kanilang 14,900 na mga opisyal sa iba’t ibang mga lokasyon upang ipatupad ang direktiba ni Nartatez, partikular sa EDSA Shrine at EDSA People Power Monument sa Quezon City.

“Sa ngayon po, ang PNP ay nakapag-depoly na ng 14,900 personnel ito ay makikita natin sa iba’t ibang lokasyon. Pero ang center talaga ng activity ay ‘yong EDSA Shrine, ‘yong [EDSA] People Power monument,” ‘ika niya.

Diin naman ni Peñones, may mga opisyal din daw silang nakabantay sa ibang magsasagawa ng kolektibong pagkilos sa Ayala Bridge at Mendiola dahil iniiwasan daw nila ang posibilidad na maulit ang nangyaring pagpaplano ng ibang mga grupo na pumunta sa Malacañang.

“But then, naglagay din tayo ng ng karagdagang personnel doon sa ating sa part sa Ayala Bridge and of course doon sa Mendiola,” aniya.

“Dahil iniiwasan natin ‘yong mga nangyari noong mga nakaraan na kung saan may ibang mga grupo, na ‘yong objective talaga nila isa makarating sa Malacañang,” pagtatapos pa niya.

KAUGNAY NA BALITA: #BALITAnaw: Bakit tinawag na ‘bloodless revolution’ ang EDSA People Power I?

KAUGNAY NA BALITA: UP, binigyang-pugay legasiya ng EDSA Revolution

Mc Vincent Mirabuna/Balita

Liberal Party sa paggunita ng EDSA 40: 'Hindi alaala lamang, isa itong tungkulin!'

Idiin ng Liberal Party sa kanilang paggunita sa ika-40 anibersaryo ng EDSA People Power Revolution na hindi umano basta alaala lamang ang diwa ng nasabing makasaysayang nangyari sa bansa noon. Ayon sa inilabas na pahayag ng Liberal Party sa kanilang Facebook page nitong Miyerkules, Pebrero 25, 2026, sinabi nilang nananatili pa rin daw na hindi ganap ang hustisya sa nakalipas na apat na dekada...

VP Sara, 'di na umaasa makabalik si FPRRD sa bansa?

Nagbigay ng komento si Vice President Sara Duterte kaugnay sa posibilidad na makabalik pa ang kaniyang ama na si dating Pangulong Rodrigo Duterte sa Pilipinas sa kabila ng mga kinakaharap nitong kaso sa International Criminal Court (ICC). Matatandaang nauna na nang inilahad sa publiko ni VP Sara ang naging huling habilin umano noon ng dating Pangulo na i-cremate siya kung saan siya mamamatay....

'Underage pa po ako!' Raoul Manuel, humirit sa 'R.M.' na posibleng tandem ni VP Sara sa 2028

Nagbiro si dating Kabataan party-list Rep. Raoul Manuel sa naging social media post ng social media personality at dating senatorial candidate na si Dr. Richard Mata, patungkol sa posibleng tandem ni Vice President Sara Duterte sa pagtakbo niya bilang Pangulo sa 2028. Mababasa sa post sa verified Facebook page na 'Dr. Richard and Erika Mata' noong Pebrero 22 ang tungkol sa inisyal daw na...