QC Government, ‘di kinokontrol freedom of expression sa EDSA Anniv-Balita

QC Government, ‘di kinokontrol freedom of expression sa EDSA Anniv

Nagbigay ng paglilinaw ang lokal na pamahalaan ng Quezon City tungkol sa nakakasang rally sa Pebrero 25 bilang bahagi ng ika-40 anibersaryo ng EDSA People Power.

Sa isang Facebook post ng Quezon City Government noong Linggo, Pebrero 22, sinabi nilang nais umano nilang balansehin ang interes ng publiko at ng mga magsasagawa ng pagkilos.

“Hindi pista opisyal sa Miyerkules, at tungkulin ng lokal na pamahalaan na balansehin ang interes ng publiko at ng mga nais magsagawa ng pagtitipon. Ang tuluyang pagsasara ng EDSA ay magdudulot ng perwisyo sa mga pumapasok sa trabaho at eskwela,” saad ng lokal na pamahalaan ng lungsod.

Kaya naman matapos ang kanilang pagsusuri sa mga dokumentong ipinasa, pinamayagan nila ang Trillion Peso March Movement na mag-organisa ng pagtitipon sa balwarte ng Quezon City.

Samantala, ang ibang grupong nagplanong magsagawa ng sariling programa sa bahagi ng ESA-Ortigas ay inendorso sa lokal na pamahalaan ng Mandaluyong at Eastern Police District dahil hindi na ito bahagi pa ng hurisdiksyon ng Quezon City at ng Quezon City Police District.

Dagdag pa nila, “Nagmungkahi rin ang lokal na pamahalaan na magkaroon ng iisang entablado para sa lahat nang sa gayon ay magiging madali ang pagkontrol sa daloy ng trapiko at kaayusan ng lugar, ngunit taliwas ito sa kagustuhan ng ilang panig at ito ay aming nirerespeto.”

Kaya naman paglilinaw nila, walang grupong pinagbawalang magsagawa ng pagkilos batay sa pinaniniwalaan ng mga ito.

Anila, “Ang mga naging hakbang ng lokal na pamahalaan ay alinsunod sa umiiral na batas at territorial jurisdiction. When the proposed venue is outside Quezon City, it is our duty to refer the organizers to the proper authorities.”

“Wala ring katotohanan na ipinagbawal ng lokal na pamahalaan ang pagdadala ng mga placard, o may tangka na kontrolin ang kanilang kalayaang magpahayag ng damdamin,” dugtong pa ng Quezon City Government.

Matatandaang nanindigan ang Koalisyong Makabayan na iraratsada nila ang kanilang sariling bersyon ng protesta sa EDSA Shrine, isyuhan man sila ng permit o hindi.

Maki-Balita: Koalisyong Makabayan, raratsada ng protesta sa Feb. 25 'may permit man o wala!'

Bangkay ng vlogger, natagpuang nakagapos, balot ng t-shirt ang mukha at may busal sa bibig!

Patay na nang natagpuan ang vlogger sa Tayabas, Quezon, na nagpaalam na mamimingwit lang sana sa isang Ilog.Noong Biyernes, Pebrero 20, 2026, huling nakitang buhay ang biktima. Nang hindi raw nakauwi nang araw na iyon ang biktima ay kaagad na nag-report ang misis niya sa mga awtoridad.Ayon sa mga ulat, sa isang liblib na bahagi ng Tayabas natagpuan sa isang hukay ang bangkay ng biktima, ilang...

Panukalang gawing 'regular national holiday' ang Pebrero 25, isinusulong ni Rep. Diokno, atbp.

Ipinapanawagan nina Akbayan Party-list Reps. Chel Diokno, Perci Cendaña, Dadah Kiram Ismula, at Dinagat Islands Party-list Rep. Kaka Bag-ao ang pagdedeklara sa petsang Pebrero 25 bilang “regular national holiday” taon-taon.Kaugnay ito sa komemorasyon ng mapayapa at matagumpay na EDSA People Power Revolution I noong Pebrero 25, 1986, na tumapos sa higit dalawang dekadang pamumuno ni dating...

Rizal Gov. Ynares, ipinag-utos masusi, agarang imbestigasyon sa gumuhong landfill

Ipinag-utos ni Rizal Gov. Nina Ynares ang pagsasagawa ng masusi at agarang imbestigasyon sa naganap na trash slide sa isang landfill sa Rodriguez, Rizal, kamakailan, upang matukoy ang buong katotohanan sa likod ng pagguho at mapanagot ang mga may kaugnayan rito.Sa inilabas na pahayag ni Ynares noong Linggo, Pebrero 23, nilinaw niya na pampribadong kumpanya ang “Green Leap Sanitary Landfill” at...