Kinumpirma ng Philippine National Police (PNP) na higit 7,000 na mga pulis ang ide-deploy kasabay ang selebrasyon ng “Chinese New Year” sa darating na Martes, Pebrero 17.

Ayon sa isang pahayag na ibinahagi ni PNP chief Gen. Jose Melencio Nartatez Jr. nitong Lunes, Pebrero 16, isasagawa ng pulisya ang isang “maximum presence posture,” partikular na sa Binondo, Maynila.

“The police force is implementing a maximum presence posture, particularly in Binondo and other high-traffic areas, to ensure a peaceful and orderly celebration,” saad ni Nartatez.

Paglilinaw ng hepe, inatasan niya rin ang ilang regional offices upang matiyak ang kapayapaan sa paggunita ng mga ito sa nasabing selebrasyon.

“Aside from Metro Manila… regional police offices [were also directed] to increase visibility in other Chinatown districts in other urban areas. Police intelligence units have also been tasked to monitor potential threats and organized crime groups that may exploit large gatherings,” aniya.

Maglalagay din daw sila ng “police assistance desk” na malapit sa mga pangunahing templo at commercial centers upang matiyak ang mabilis na pagresponde kung magkakaroon man ng mga emergency.

Samantala, naglabas naman kamakailan ang Manila Police District (MPD) ng road closures at re-routing announcement kasunod ng paggunita sa Chinese New Year—na siyang sisimulan ngayong Lunes, Pebrero 16 hanggang Martes, Pebrero 17.

MAKI-BALITA: Road closures at re-routing, inilatag na sa darating na Chinese New Year-Balita

Vincent Gutierrez/BALITA