Muling binanatan ni dating Presidential Spokesperson Atty. Harry Roque si Pangulong Ferdinand “Bongbong” Marcos, Jr.
Sa kaniyang Facebook post nitong Sabado, Pebrero 14, 2026, iginiit ni Roque na may karapatan daw siyang tawaging “bangag” si PBBM.
“Ako may karapatan akong tawaging bangag si Marcos, Jr, kasi pati sarili niyang kapatid ay kinumpirma na bangag siya,” ani Roque.
Saad pa niya, isa rin daw siyang Pilipino kung kaya’t may karapatan siyang insultihin ang Presidente ng bansa na isa ring Pinoy.
Tindig Pilipinas, pinuri tapang ng EJK victims
“Tsaka ako mismo, Pilipino. Kung gusto kong insultuhin ang aking Presidente na isnag Pilipino rin, karapatan ko 'yon dahil ako'y Pilipino!” saad ni Roque.
Hirit pa niya, “Kinakailangan talaga ang mamumuno sa Pilipino ay nasa tamang pag-iisip. So hindi ako pupwedeng mapigilan na sabihin 'yon. “
Sa ngayon, wala pang opisyal na tugon ang Malacañang hinggil sa naturang pahayag ni Roque.
