Hindi pinalampas ni Philippine Coast Guard (PCG) Spokesperson Jay Tarriela ang umano’y fearmongering statement ni SAGIP Party-list Rep. Paolo Marcoleta laban sa kaniya at sa iba pang senador na hayagang tumutuligsa sa pang-aabuso ng China sa teritoryo sakop ng Pilipinas.
Maki-Balita: Rep. Marcoleta, humirit i-frontline PCG spox, 'mayabang' na senador vs Tsina!
Sa isang Facebook post ni Tarriela noong Sabado, Pebrero 8, iginiit niya ang paninindigan niyang ipagtanggol ang bansa at ang mga mamamayan nito.
Aniya, “I will stand firm and fulfill my selfless patriotic duty to defend our country and our people, anywhere, anytime.”
Walang lusot! Halos 20 motoristang sumingit sa EDSA bus lane, buminggo sa SAICT
“Without mentioning your disrespectful and uncourteous remark to the Senators, it is concerning that a member of the House of Representatives would express themselves in a manner that appears to wish harm and demise upon our country,” dugtong pa ng PCG spokesperson.
Bukod dito, kinuwesityon din ni Tarriela ang pambabanta ni Marcoleta sa mga kababayan nito na ang ginagawa lang naman ay depensahan ang teritoryal na karapatan ng Pilipinas sa West Philippine Sea.
“Why threaten our own people that could undermine our determination to uphold our sovereignty, sovereign rights, and maritime jurisdiction in the West Philippine Sea?” ani Tarriela.
Kaya naman gaya ng ama nitong si Sen. Rodante Marcoleta, inimbitahan din ni Tarriela ang kongresista na dumayo sa Kalayaan Island Group (KIG).
Ito ay matapos ang kontrobersiyal na pahayag ng senador na isuko na lang ang nasabing isla dahil hindi naman umano ito saklaw ng Exclusive Economic Zone (EEZ) ng Pilipinas.
“It would be an honor to bond with the Marcoleta father-and-son duo in KIG!” pahabol ng PCG spokesperson.
Maki-Balita: ‘He does not have to worry!’ Tarriela, pinapapunta si Marcoleta sa KIG
