Ibinahagi ng GMA TV host na si Kuya Kim Atienza ang paraan niya upang gunitain ang ika-20 anibersayo ng kapanganakan ng kaniyang anak na si Emman Atienza.
Sa ibinahaging Instagram (IG) post ni Kuya Kim nitong Linggo, Pebrero 8, mapapanood ang ilang clips mula sa pagdiriwang nila ng 18th at 19th birthday ni Emman.
“These are clips from Emman's 18th and 19th birthdays,” saad ni Kuya Kim.
Aniya pa, “Emman's birthday wish every year was the same. ‘TO MAKE PEOPLE HAPPY SO I CAN BE HAPPY’.”
Naglahad din si Kuya Kim sa caption ng maiksi ngunit madamdaming mensahe para sa namayapang anak.
“Emmansky your time with us was brief but you made millions happy. I love you and miss you so much,” mensahe ni Kuya Kim.
“Happy 20th birthday up there dearest Emmansky!” pagbati pa niya.
Photo courtesy: Kim Atienza/IG
Matatandaang kinumpirma ni Kuya Kim ang pagpanaw ng kaniyang anak noong Oktubre 24, 2025.
"It’s with deep sadness that we share the unexpected passing of our daughter and sister, Emman," ani Kuya Kim.
MAKI-BALITA: Kuya Kim, kinumpirma pagpanaw ng anak niyang si Emman Atienza-Balita
Samantala, inalala rin ng TV host ang kaniyang anak noong nagdaang Pasko.
“This was the last photo of all of us together last Christmas Eve. How we miss you dearest Emmansky,” mababasa sa simula ng caption ni Kuya Kim.
MAKI-BALITA: 'We miss you, dearest Emmansky!' Kuya Kim, inalala si Emman sa pagdiriwang ng Pasko-Balita
Vincent Gutierrez/BALITA
