Natiklong ambulance driver, jebs na jebs na kaya pumasok sa EDSA busway?-Balita

Natiklong ambulance driver, jebs na jebs na kaya pumasok sa EDSA busway?

Tila tinatawag na raw talaga ng kalikasan ang isang ambulance driver na nahuli ng Special Action and Intelligence Committee for Transportation (SAICT) kaya napilitan itong pumasok sa Epifanio de los Santos Avenue (EDSA) busway.

Ayon sa naging dahilan ng hindi pinangalanang barangay Moonwalk, Parañaque City ambulance driver sa media nang mahuli siya ng mga awtoridad noong Huwebes, Pebrero 5, 2026, sinabi niyang nadudumi na raw siya kaya siya pumasok sa bus lane sa EDSA Santolan southbound.

“Tawag lang ng kalikasan kaya pumasok na ako [sa EDSA busway], e,” pagsisimula niya, “So papaano na kung dito ako naano?”

Anang driver, alam naman daw niya na bawal dumaan sa bus lane ang isang ambulansya lalo na kung wala naman itong sakay na pasyente.

“Alam ko naman, sir, alam ko naman [na bawal]. At saka kung may pasyente, okay lang. Pero kung wala, hindi pupuwedeng dumaan,” aniya.

Nagawa pang makiusap ng driver sa awtoridad dahil gusto raw niyang makapunta na sa comfort room.

“Sabi ko, baka naman puwedeng makiusap naman ako kasi [nakita] n’yo naman tumawid ako para lang mag-cr,” saad niya.

Tila hindi naman ito lumusot sa SAICT at tiniketan ang nasabing driver ng Disregarding Traffic Sign (DTS).

“Sir, ang violation n’yo po, kung ano po ang talagang nilalagay namin [ay] talagang violation po, e. Disregarding Traffic Sign po passing to busway,” ayon sa opisyal.

Pakiusap naman ng driver, “Mayroon naman pong dahilan kung bakit pumasok sa bus lane. Baka naman po, konsiderasyon lang po, sir.”

Kaugnay nito, mahigpit na ipinagbabawal sa polisiya ng Metropolitan Manila Development Authority (MMDA) ang paggamit ng ambulansya ng bus lane lalo na kung wala itong sakay na pasyente.

Maaaring magmulta ang sinomang lalabag rito ng halagang ₱5,000 sa unang paglabag at matanggalan ng lisensya kung masusundan pa ang nasabing violation.

MAKI-BALITA: Carnapper natrapik sa EDSA, timbog!

MAKI-BALITA: Tanggal angas! Pulis na hinarangan ang truck ng bumbero, buminggo sa LTO

Mc Vincent Mirabuna/Balita

10.4°C, naitalang pinakamababang temperatura sa Benguet ngayong 2026

Naitala sa La Trinidad, Benguet, ngayong umaga ng Biyernes, Pebrero 6, ang 10.4°C, ang pinakamababang temperatura sa pagtutuloy ng amihan season sa 2026. Makikita rin sa tala ng Benguet-Philippine Information Agency (PIA) kamakailan na dahil sa patuloy na paglamig ng klima rito, kinahaharap ng maraming magsasaka ang pagyeyelo ng mga pananim o andap, partikular sa mga bayan ng Atok at...

PBBM, 'happy' sa pagbabasura ng impeachment complaint laban sa kaniya

Nagbigay ng komento si Pangulong Ferdinand “Bongbong” Marcos, Jr., kaugnay sa pagbabasura ng House Committee on Justice sa dalawang (2) impeachment complaint laban sa kaniya. KAUGNAY NA BALITA: 'Insufficient in substance!' Impeachment complaints kay PBBM, dedo sa KamaraAyon sa Pangulo nitong Biyernes, Pebrero 6, 2026, sinabi niyang ginagawa lang daw ng nasabing komite ang kanilang...

Unemployment rate sa bansa, pumalo ng mahigit 2M noong Nov-Dec 2025

Nagkaroon ng pagtaas ang bilang ng mga Pilipinong walang trabaho, ayon sa datos ng Philippine Statistics Authority (PSA) Labor Force Survey.Sa press briefing ni National Statistician at PSA Chair Clair Dennis Mapa, pumalo ng 2.2 milyon ang bilang ng mga walang trabaho mula edad 15 taong gulang pataas.Mas mataas din ito sa 1.63 milyong naitala noong Disyembre 2024.Batay sa porsiyento ng 51.69...