Nartatez, pinaiimbestigahan na sa PNP-ACG ang pekeng 'medical report' ni PBBM-Balita

Nartatez, pinaiimbestigahan na sa PNP-ACG ang pekeng 'medical report' ni PBBM

Inatasan na ni Philippine National Police (PNP) chief General Jose Melencio C. Nartatez, Jr. nitong Huwebes, Enero 29, ang PNP-Anti-Cybercrime Group (ACG) upang imbestigahan ang paglipana ng pekeng medical report hinggil sa lagay ng kalusugan ni Pangulong Ferdinand “Bongbong” Marcos Jr.

Ayon kay Nartatez, malinaw na ang pagkalat ng naturang medical bulletin ay isang paglabag sa batas.

“I have already tasked the PNP-ACG to help in the conduct of [the] investigation aimed at identifying those responsible for this. This is really disrespectful, insensitive, and [a] gross violation of the law,” ani Nartatez.

Anang hepe, nirerespeto nila ang “freedom of expression” ng bawat isa, ngunit ito ay hindi na sakop ng kalayaang iyon.

“This must be looked into because it is clearly aimed at misleading the public. While we in the PNP fully respect the freedom of expression of every Filipino and every netizen, we are certain that this kind of action is not part of that freedom,” saad pa niya.

Ayon sa isang social media post na ibinahagi ng Presidential Communications Office (PCO) noong Miyerkules, Enero 28, inilahad nilang nasa maayos na kalagayan ang Pangulo—taliwas sa nakasaad sa pekeng medical report umano ni PBBM.

“The medical document being circulated is FAKE, is not the result of any legitimate medical examination, and does not reflect the President’s health. The President is well, fully capable of performing his duties, and continues to discharge his official responsibilities,” anila.

Saad pa nila, “The President remains focused on serving the Filipino people.”

Kasabay nito, nagpahayag din sa parehong isyu ang St. Luke’s Medical Center noong Miyerkules, Enero 28, matapos makaladkad sa nasabing usapin.

“St. Luke’s Medical Center is aware of medical test results falsely circulating online and on social media claiming to pertain to President Ferdinand Romualdez Marcos, Jr. These documents are FAKE and FALSIFIED,” saad nila.

MAKI-BALITA: 'Fake and falsified!' St. Luke’s Medical Center, nagbabala sa umano'y kumakalat na test results ni PBBM-Balita

Samantala, tahasan namang sinabi ni Palace Press Officer at PCO Undersecretary Atty. Claire Castro nitong Huwebes, Enero 29, na aaksyunan ng Palasyo ang pagpapakalat ng naturang dokumento.

MAKI-BALITA: Palasyo, aaksyunan pagpapakalat ng umano’y pekeng ‘medical report’ ni PBBM-Balita

Vincent Gutierrez/BALITA

11 bangkay, narekober sa ‘search and rescue’ sa lumubog na MV Trisha Kerstin 3

Umabot sa 11 bangkay ang narekober sa nagpapatuloy na “search and rescue” operation ng lumubog na MV Trisha Kerstin 3, ngayong Huwebes, Enero 29. Base sa ulat ng Philippine Coast Guard (PCG), kasalukuyan nang sumasailalim sa retrieval procedure ang mga narekober na labi, sa pangunguna ng Provincial Disaster Risk Reduction and Management Office (PDRRMO) Basilan, upang malaman ang...

Paldo sa toma? Volunteer firefighters na nanguha ng alak sa nasunog na supermarket, lagot sa BFP!

Hindi umano palalagpasin ng Bureau of Fire Protection (BFP) ang mga kumakalat na akusasyong may ilang volunteer firefighter na umano’y nagnakaw ng mga panindang alak mula sa natupok na supermarket sa Brgy. Pasong Putik, North Fairview, Quezon City noong madaling-araw ng Miyerkules, Enero 28.Nagsimula ang pagkatupok ng establisyimiento bandang 4:44 ng madaling-araw, at agad na umabot sa ikalimang...

Binatang nakipagtitigan umano ng masama, pinagsasaksak ng 18 beses!

Isang 19-anyos na binata ang nasawi matapos pagsasaksakin nang maraming beses sa Barangay Poblacion, Matalam, Cotabato.Ayon sa mga ulat, nangyari ang krimen bunsod umano ng engkwentro ng biktima sa dalawang lalaking lasing.Kinilala ng pulisya ang biktima na si alyas “John Paul”—isang private employee at residente ng Purok 4, Barangay Manubuan sa nasabing bayan. Ayon sa awtoridad, nagtamo...