Idiniin ni Philippine Coast Guard (PCG) Spokesperson Jay Tarriela na dapat daw masanay ng mga opisyal ng Chinese embassy ang pagpapakita ng “good diplomacy” bilang bisita ng Pilipinas.
Ayon sa ibinahaging video ng podcast na “Why Should We Care: Indo-Pacific Pod” sa kanilang “X” account nitong Miyerkules, Enero 28, 2026, na siyang dinaluhan ni Tarriela, sinabi niyang dapat daw na magkaroon ng pakialam ang bawat isa sa pag-uugaling ipinapakita ng nasabing embahada.
“Everybody should care about the current behavior of the Chinese embassy right now,” pagsisimula niya.
Paglilinaw ni Tarriela, ang pag-uugali lang daw ng Chinese embassy sa Pilipinas ang kanilang pinupuna at hindi ang Chinese Minister of Foreign Affairs.
Sultan Kudarat, niyanig ng magnitude 4.3 na lindol
“Let me reiterate, this is not the behaviour of the Chinese Minister of Foreign Affairs, but this is the behaviour of the Chinese embassy that we host in our own soil and criticizing our public officials and our lawmakers,” paliwanag niya.
Ani Tarriela, isang malinaw na pangungutya raw ang pag-uugaling ipinapakita ng nasabing embahada at mahirap na maranasan ito ng iba pang bansa o parte ng Indo-Pacific.
“Try to imagine if this kind of behaviour will also be done by the Chinese embassy in US, for example, or any other parts of the Indo-Pacific, this will be a blatant ridicule of own government,” aniya.
Dagdag pa niya, “We need to expose this so that the Chinese would eventually stop doing this and they would realize this is not in accordance with the Vienna Convention for Diplomatic Relation.”
Anang spokesperson, dapat raw magpakita ng China ng “good diplomacy” dahil sa bisita sila ng bansa.
“That’s a diplomatic mission. They have to abide with a set of norms and they should, you know, really practice good diplomacy as a visitor in our very own country,” pagtatapos pa niya.
Bukod kay Tarriela, matatandaang nagbigay na rin ng kaniyang mga pahayag sina Sen. Risa Hontiveros, Sen. Kiko Pangilinan, Sen. Erwin Tulfo, Sen. Jinggoy Estrada, at iba pa sa isinagawa nilang plenary session sa Senado noong Lunes, Enero 26, at Martes, Enero 27, 2026, kaugnay sa umiinit na tensyon sa pagitan nilang mga mambabatas at ng Chinese embassy.
MAKI-BALITA: 'They kept replying!' Chinese Embassy, parang isang troll farm—Sen. Risa
MAKI-BALITA: 'Tiba-tiba sa TUPAD ng China!' Sen. Kiko, binuweltahan umano'y mga nagkalat na trolls
MAKI-BALITA: 'Layas!' Sen. Erwin Tulfo, nanggigil sa mga opisyal ng Chinese Embassy
MAKI-BALITA: 'Namimihasa na kayo mga walang 'ya!' Sen. Jinggoy, napikon na rin sa China
Mc Vincent Mirabuna/Balita
