Usap-usapang wala na raw sa Instagram (IG) “following list” ng dating Kapamilya actress na si Liza Soberano ang ex-boyfriend niyang si Kapamilya actor Enrique Gil, gayundin ang "rumored boyfriend" na si Jeffrey Oh, na dating CEO at kasosyo ni James Reid sa Careless.
Ito ay matapos mapansin ng netizens ang nasabing pag-unfollow sa dalawa—na siyang pinag-usapan sa social media at napaulat pa sa Fashion Pulis.
Dahil dito, sinadya mismo ng Balita na alamin kung talaga nga bang hindi na sinusundan ng aktres ang dalawa sa IG.
Nang silipin ng Balita ang pangalan nina Enrique at Jeffrey sa following list ni Liza, kumpirmado ngang wala na ang mga ito.
Photo courtesy: lizasoberano/IG via Fashion Pulis
Matatandaang naging usap-usapan ang paghihiwalay ng dating on at off-screen partners na si Liza at Enrique, kung saan napag-alamang matagal na palang nag-break ang dalawa.
“I’ve been honestly itching to tell people this because I haven’t been very truthful. Quen hasn’t been very truthful. Quen and I broke up. But yeah, we’ve been broken up for almost three years now. And the reason, well, originally the reason why we haven’t said anything about it is because Enrique or Quen asked me not to say anything about it first,” saad ng aktres sa podcast na “Can I Come In,” isang podcast-cinema-documentary sa YouTube.
MAKI-BALITA: ‘He was my first love’ LizQuen, 3 taon na palang split! -Balita
Kasabay nito, napabalita rin ang pag-alis ni Liza sa “Careless,” kung saan pinamamahalaan siya ng actor-singer na si James Reid.
"LIZA SOBERANO IS NO LONGER UNDER CARELESS MUSIC MANAGEMENT EFFECTIVE JULY 29, 2024. IT HAS BEEN A PLEASURE TO HAVE REPRESENTED HER AND WE WISH HER THE BEST IN ALL OF HER ENDEAVORS,” saad nila sa isang art card sa kanilang IG post kamakailan.
MAKI-BALITA: Liza Soberano kumpirmadong wala na sa Careless, anyare?-Balita
Dahil dito, naging usap-usapan ang patungkol sa ‘di umano’y namamagitan kina Liza at Jeffrey.
MAKI-BALITA: 'Paano na LizQuen fans?' Liza Soberano, jowa ang CEO ng 'Careless' na si Jeffrey Oh?-Balita
Kaugnay naman nito, matatandaang binalaan daw ni James si Liza hinggil sa dati niyang business partner.
“I had warned her about Jeff. I had warned her about all of these things. I told her about the situation and she said she'll be careful, that she'll take care of herself. I told her, 'You're smart, you do diligence, everything,'" saad ni James sa isang panayam sa showbiz insider na si Ogie Diaz.
KAUGNAY NA BALITA: James Reid, nagoyo ni Jeffrey Oh?-Balita
Habang isinusulat ang artikulong ito, wala pa namang inilalabas na pahayag si Enrique at Jeffrey patungkol dito.
Vincent Gutierrez/BALITA
