Nakipag-ugnayan na ang social media platform na X (dating Twitter) sa Department of Information and Communications Technology (DICT) para resolbahin ang isyu sa AI assistant na Grok.
Ito ay sa gitna ng pinaplanong pagtatanggal ng Grok sa Pilipinas dahil sa nililikha at minamanipula nitong malalaswang larawan ng mga babae at kabataan.
Sa isang Facebook post ng DICT nitong Biyernes, Enero 16, kinumpirma nilang lumapit na umano ang X kay DICT Secretary Henry Aguda para maghain ng panukalang pagwawasto at matibay na proteksyon.
Anila, “We also confirm that X, the platform owner of Grok, has formally reached out to DICT Secretary Henry Aguda and is proposing corrective measures and stronger safeguards, especially for the protection of women and children.”
Banat ni Greco kay Ogie: 'Yaan mo na kaming mga lalaki dito sa gubyerno, gawain ng tunay na lalaki ito!'
“The government expects concrete, enforceable actions, not just assurances, to ensure AI technologies are never used to enable abuse, exploitation, or harm,” dugtong pa ng DICT.
Matatandaang ilang bansa na rin ang nag-block sa Grok kabilang na ang Malaysia at Indonesia dahil sa paglabag umano nito sa online safety, child protection, at human rights standards.
