Pinalagan ni Cavite 4th district Rep. Kiko Barzaga ang nilulutong expulsion sa kaniya ng mga kapuwa kongresista kasunod ng pagkakasuspinde niya mula sa Senado.

Sa kaniyang Facebook post nitong Biyernes, Enero 16, 2026, iginiit niyang tatanggapin lang daw niya ang nasabing expulsion laban sa kaniya, kung ganoon din daw ang sasapitan ng mga kongrosesistang sangkot umano sa kontrobersyal at maanomalyang flood control projects.

“I will accept my expulsion from the House of Representatives, on the condition that those involved in the flood control anomalies will face the same consequences,” ani Barzaga.

Matatandaang nitong Biyernes din ng kumpirmahin ni Antipolo 1st district Rep. Ronnie Puno na nais na nilang ikasa sa Kamara ang pagpapatalsik kay Barzaga bunsod ng pambabalewala umano nito sa House Ethics Committee.

Metro

MMDA, dinepensahan traffic enforcer na pinagbintangang nagtatago sa kalsada

“Baka mag-file pa kami ng bagong complaint kasi ang nangyayari dito paulit-ulit, ano. Parang binabalewala yung mga desisyon ng ethics committee, binabalewala yung desisyon ng Congress nitong si Congressman Barzaga,” ani Puno.

Hirit pa niya, “Baka hihilingin na namin na i-expel na rin siya kasi ano eh, parang talagang outright defiance na of everything that is going on.”

KAUGNAY NA BALITA: 'I-expel na rin!' Congressmeow, nakaambang tuluyang ma-elbow sa Kamara

Sa kasalukuyan, nananatiling suspendido si Barzaga sa Kamara magmula ng masuspinde siya noong Disyembre 1, 2025. Nahaharap din siya sa kasong two counts of cyberlibel na isinampa naman ng business tycoon na si Enrique Razon matapos ang alegasyong niyang sangkot si Razon sa korapsyon sa Kamara.

KAUGNAY NA BALITA: 'Guilty sa ethics complaint!' Kiko Barzaga, 60 araw suspendido, wala ring suweldo

KAUGNAY NA BALITA: 'Two counts pa!' Enrique Razon, sinampolan ng cyber libel case si Rep. Barzaga

Kaugnay nito, tinatayang aabot sa mahigit na ₱100 milyon ang danyos na hinihingi na Razo—bagay na pinalagan ni Barzaga.

KAUGNAY NA BALITA: 'You still want more?' Rep. Barzaga binengga si Razon sa pa-₱100M danyos kahit 'richest man' na!