Muling humiling ng dasal ang Kapamilya actress na si Sue Ramirez kaugnay sa open heart surgery na dapat ay isasagawa sa kaniyang ina noong Miyerkules, Enero 7.
Kamakailan lamang, matatandaang humahanap si Sue ng kwalipikadong blood donor para sa naturang operasyon.
MAKI-BALITA: 'Help save her life:' Sue Ramirez naghahanap ng blood donor para sa ooperahang nanay-Balita
Sa ibinahaging social media story ni Sue noong Miyerkules, Enero 7, kinumpirma niyang “pneumonia” ang dahilan kung bakit naunsiyami ang operasyon ng kaniyang nanay.
“My mom’s operation was postponed because she developed pneumonia. Her lungs need to be in good condition for the surgery to push through,” saad ni Sue.
Dagdag pa niya, “Please continue to pray for her health and healing. That her lungs recover fully, that she gains the strength she needs for the operation, and that her mind and body be ready to endure the pain of recovery.”
Ipinagdasal din niya na sana ay maging maayos na raw ang kaniyang ina, upang maiuwi na nila ito sa kanilang bahay.
“We also pray that she gets well soon so we can finally take her home,” pagtatapos niya.
Photo courtesy: sueannadoodles/IG
Vincent Gutierrez/BALITA
