Aabot sa kabuuang ₱25.3 bilyong halaga ng ilegal na droga ang nasamsam ng mga awtoridad, sa ikinasa nilang drug operations noong taong 2025.
Ayon sa ulat ng Philippine National Police (PNP) noong Lunes, Enero 5, ang mga operasyong isinagawa nila ay nakabase raw sa “bloodless” drug-campaign ni Pangulong Ferdinand “Bongbong” Marcos Jr.
“The Philippine National Police (PNP) capped 2025 with significant accomplishments in its campaign against illegal drugs, reinforcing the government’s bloodless approach under President Ferdinand R. Marcos Jr. that targets both high-value drug personalities and street-level offenders,” saad ng PNP.
Base sa tala ng ahensya, aabot sa 55,843 anti-illegal drug operations ang ikinasa nila sa buong Pilipinas mula Enero 1, 2025 hanggang Disyembre 31, 2025—kung saan nakapag-aresto rin sila ng 67,223 drug suspects.
Dagdag pa nila, nasabat din sa mga nasabing operasyon ang 3.28 tonelada ng shabu, higit 10.79 tonelada ng dried marijuana leaves, 3.37 milyong piraso ng marijuana, 127,462 gramo ng marijuana kush, 157,586 gramo ng cocaine, at 556 gramo ng ecstasy—na aabot ang halaga sa humigit-kumulang ₱25.3 bilyon.
Ayon kay Acting Chief PNP, PLTGEN Jose Melencio C. Nartatez Jr., ang mga naturang operasyon ng pulisya ay tanda ng maigting nilang kampanya upang wasakin ang illegal drug networks sa bansa.
“These accomplishments show that the PNP remains firm and focused in dismantling illegal drug networks, from high-value individuals down to street-level pushers. Malinaw po ang direktiba ng ating Pangulo—isang kampanyang bloodless, makatao, at mahigpit na ipinatutupad ang batas,” ani Nartatez.
Saad pa niya, “What we are seeing is the result of focused leadership, committed police work, and stronger cooperation with our communities. Kapag nagtutulungan ang pulis at mamamayan, mas nagiging epektibo ang laban kontra ilegal na droga. This is exactly what our PNP Focus Agenda calls for—clear priorities, consistent enforcement, and service that people can truly feel.”
“We will not slow down. In 2026, expect a more aggressive yet responsible campaign—one that protects lives, upholds the rule of law, and strengthens public trust,” pagtatapos niya.
Matatandaang iniulat din kamakailan ng PNP na bumaba ang “focus crimes” sa bansa noong parehong taon.
“Based on official records from the Directorate for Investigation and Detective Management, Focus Crimes declined by 12.40%, from 40,771 incidents in 2024 to 35,717 in 2025, or 5,054 fewer cases year-on-year,” saad ng PNP.
MAKI-BALITA: 'Focus crimes' sa bansa, bumaba ng 12.4% noong 2025-Balita
Vincent Gutierrez/BALITA
