Suspendido ang klase sa lahat ng antas, pampubliko man o pampribadong paaralan, at pasok sa goverment offices sa Maynila sa Enero 9, 2026 ayon kay Mayor Isko Moreno Domagoso.
Sa isang abiso na inilabas ng Manila Public Information Office nitong Lunes, Enero 5, sinuspinde ni Domagoso ang klase sa lahat ng antas sa mga paaralan sa Maynila, mapa-online man o face-to-face, at maging ang pasok sa government offices dahil sa taunang Pista ng Poong Hesus Nazareno sa darating na Enero 9.
"Frontline services of the City Government of Manila such as those concerning peace and order, public services, traffic enforcement, disaster risk reduction and management, and health will remain operational," giit ni Domagoso.
"The suspension of work in national government offices and private companies in the City of Manila is left to the discretion of their respective management," dagdag pa ng alkalde.
DepEd, nakikiramay sa pamilya, mga kasamahan, at mga mag-aaral ni Teacher Agnes
Samantala, inilabas na ng Minor Basilica and National Shrine of Jesus Nazareno ang mga paalala at listahan ng mga saradong kalsada para sa gaganapin na Traslacion 2026.
Maki-Balita: ‘Traffic Advisory’ sa Traslacion 2026, inilatag na para sa mga deboto at motorista
