Umapela si Senate President Pro Tempore at Senate Blue Ribbon Committee Chairperson Ping Lacson kay Batangas 1st District Rep. Leandro Leviste na dapat daw linawin nitong hindi kasama ang mga bagong halal na senador ngayong 2025 sa budget insertions na pinupuga nito sa publiko.
Ayon sa inilabas na pahayag ni Lacson sa kaniyang Facebook account nitong Martes, Disyembre 23, sinabi niyang dapat na malinaw ni Leviste sa kaniyang mga pahayag na miyembro umano sa 19th Congress ang tinutukoy niya at hindi mga bagong halal na Senador sa 20th Congress.
“Congressman Leviste should at least qualify his statement with the phrase ‘in the 19th Congress’ in fairness to the new members of the 20th Congress, including myself and Senate President Vicente Sotto III, among others,” aniya.
Dagdag pa niya, “That said, even during the previous Congresses, I never partook of allocables or pork barrel allocations, or whatever names they were called.”
11M bata, target mabakunahan sa Ligtas-Tigdas Vaccination ngayong Enero
Kaugnay nito, matatandaang isiniwalat ni Leviste sa isang panayam sa radyo noong Lunes, Disyembre 22, na mayroon daw mga senador ang may ₱120 bilyong insertion sa 2025 national budget.
Batay umano ito sa mga dokumentong nakuha niya mula sa pumanaw na si dating Department of Public Works and Highways (DPWH) Usec. Catalina Cabral.
KAUGNAY NA BALITA: Ex-DPWH Usec. Cabral, pumanaw na
Bukod dito, nauna na nang isiniwalat sa publiko ni Leviste na mayroon daw listahan si Cabral ng lahat ng proponents ng DPWH insertions.
MAKI-BALITA: ‘Listahan ng proponents ng DPWH insertions, nasa computer ni Cabral!’—Rep. Leandro Leviste
“May listahan sa computer ni yumaong USec Cabral ng lahat ng proponents ng DPWH insertion. May iilang may kopya nito. Kung lumabas lang ito, tapos na ang mga imbestigasyon,” mababasa sa social media post ni Leviste noong Disyembre 19, 2025.
MAKI-BALITA: ‘Paano ako magkakaroon ng insertions sa 2025?’ Ridon, bumwelta kay Leviste sa umano’y ₱150 milyong insertions sa DPWH
MAKI-BALITA: 'Bakit ngayon lang?' Rep. Ridon, kinuwestiyon listahan ng insertions ni Rep. Leviste
Mc Vincent Mirabuna/Balita
