Nag-abot na rin ng pakikiramay si Mamamayang Liberal (ML) Party-list Rep. Atty. Leila de Lima kaugnay sa pagpanaw ni Antipolo 2nd District Rep. Romeo Acop noong Sabado, Disyembre 20.
Sa ibinahaging social media post ni De Lima nitong Linggo, Disyembre 21, ikinalulungkot daw nila ang pagkamatay ng naturang mambabatas.
“We are saddened by the passing of Antipolo City 2nd District Rep. Romeo Acop. Our prayers and condolences go to his family and loved ones,” panimula ni De Lima.
Dagdag pa niya, “As a police general, lawyer and lawmaker, he served his country well and with distinction.”
Ayon pa sa mambabatas, nawalan daw ng isang “deft” at “no-nonsense interrogator” ang Kamara, matapos ang napaulat na pagpanaw ni Rep. Acop.
“The House lost a deft, no-nonsense interrogator in high-profile inquiries, as we all witnessed his cool intensity and diligence during the probes on Philippine Offshore Gaming Operators (POGOs), Duterte’s murderous war on drugs, the proliferation of fake news, and corruption issues in government agencies, among others,” anang mambabatas.
“We will miss his sharp mind and courageous stance in many pressing issues in our country. Maraming salamat at paalam. Rest in power, Rep. Acop,” pagtatapos niya.
Nauna nang nagpahayag ng kaniyang pakikiramay at pagdadalamhati si House Speaker (HS) Bojie Dy III, matapos mabalitaan ang pagkamatay ni Rep. Acop. Aniya, malaking kawalan daw ito hindi lamang sa Kongreso, bagkus pati na rin sa lungsod ng Antipolo, at maging sa sambayanang Pilipino.
“Sa bawat tungkuling kanyang ginampanan, malinaw ang kanyang paniniwala na ang batas ay para sa kapakanan ng mamamayan at ang kapangyarihan ay pananagutan, hindi pribilehiyo,” saad ni Dy.
MAKI-BALITA: 'Huwaran ng integridad!' House Speaker Bojie Dy, nakiramay sa pagpanaw ni Rep. Romeo Acop-Balita
Isa sa mga pinakatumatak sa panunungkulan ni Rep. Acop ay ang imbestigasyon niya hinggil sa confidential funds ng Office of the Vice President (OVP) at Department of Education (DepEd) noong 2024.
Si Rep. Acop ay naging chairman din ng House quad-committee (quad-comm) noong 19th Congress.
KAUGNAY NA BALITA: KILALANIN: Si dating Antipolo City 2nd District Rep. Romeo Acop na nakapansin kay ‘Mary Grace Piattos’-Balita
Vincent Gutierrez/BALITA
