Nagkomento si Cavite 4th district Rep. Kiko Barzaga hinggil sa kontrobersyal pagkamatay ni Department of Public Works and Highways (DPWH) Undersecretary Catalina Cabral.
Sa kaniyang Facebook post nitong Biyernes, Disyembre 19, 2025, napamura ang mambabatas at iginiit kung siya na raw kaya ang susunod na ipatutumba, matapos ang nangyari kay Cabral.
“Wtf pinatay rin nila si DPWH Usec Cabral? Susunod na ba ako?” ani Barzaga.
KAUGNAY NA BALITA: Dating DPWH Usec. Cabral, pumanaw matapos mahulog umano sa bangin
‘Prayers for your success!’ De Lima, binati si Torre matapos italagang MMDA General Manager
Matatandaang si Barzaga ang isa sa mga matutunog na kritiko ng pamahalaan matapos ang una niyang pagkalaban sa liderato noon ni dating House Speaker Martin Romualdez.
“I'm ready for anything. When it all started, when I fought against Romualdez, I was fully expecting to die, but kung sanctions lang naman edi that's much better than dying,” saad ni Barzaga.
Maki-Balita: ‘Much better than dying!’ Rep. Barzaga, pabor kung bibigyan ng sanctions ng Ethics Committee
Noong Disyembre 1 nang tuluyang masuspinde sa si Barzaga matapos siyang patawan ng 60 araw na suspensyon ng Kamara.
Umabot sa 249 kongresista ang bumoto pabor sa suspensiyon, habang 11 ang nag-abstain at 5 ang kumontra.
KAUGNAY NA BALITA: 'Guilty sa ethics complaint!' Kiko Barzaga, 60 araw suspendido, wala ring suweldo
