Masayang ibinahagi ni Mr. Pure Energy Gary Valenciano ang kaniyang komento at reaksyon hinggil sa pagbabalik ng ABS-CBN Network sa Channel 2.

Kaugnay ito sa pahayag ng Kapamilya network noong Miyerkules, Disyembre 17 tungkol sa kasunduan nila sa Advanced Media Broadcasting System Inc. (AMBS), na nagsasabing mapapanood na ang ilang top shows ng Kapamilya channel sa ALLTV simula Enero 2, 2026.

“Starting on this date, ALLTV audiences will be able to watch their favorite ABS-CBN shows like FPJ’s Batang Quiapo, Roja, What Lies Beneath, It’s Showtime, ASAP, TV Patrol, and more,” anang ABS-CBN.

MAKI-BALITA: Balik-Channel 2! Kapamilya top shows, mapapanood na sa ALLTV simula 2026-Balita

“Even when times become tough to understand, God still remains faithful. To serve and to inform; to entertain and touch; to help and encourage; to inspire and uplift,” saad ni Gary V. sa kaniyang social media post noong Huwebes, Disyembre 18.

“All these are part of what we all have been called to do, and we will continue to do so in the service of the Filipino. ABS-CBN will be back on channel 2!!!!” dagdag pa niya.

Matatandaang kamakailan lamang, naging mainit na usapan ang pormal na pagtatapos ng blocktime agreement sa pagitan ng ABS-CBN at TV5, kaugnay sa umano’y “financial obligations” na hindi kaagad na-settle ng ABS-CBN sa Kapatid network.

MAKI-BALITA: 'Our service to you will continue!' ABS-CBN, nagsalita sa napipintong pagwawakas ng partnership deal sa TV5-Balita

MAKI-BALITA: 'TV5 is also faced with its own challenges!' TV5 sinagot ABS-CBN sa kanilang partnership deal issue-Balita

Vincent Gutierrez/BALITA