Pinalagan ni Bicol Saro Rep. Terry Ridon ang pasaring ni Kapuso comedienne Pokwang tungkol sa politikong nakisawsaw umano sa isyu ng kapatid nitong nanapak ng amang nagkakariton.
Sa isang X post ni Ridon nitong Miyerkules, Disyembre 17, inako niyang siya ang mambabatas na tinutukoy ni Pokwang sa video statement na inilabas nito noong Disyembre 16.
“There is no one else Ms. Subong could be alluding to except me, as I have been consistently speaking on road abuse issues, including the e-bike ban and the present road rage incident. I therefore respond to her remarks directly and squarely,” saad ni Ridon.
Matatandaang binalaan ni Pokwang ang nasabing mambabatas dahil sa aniya’y kaso ng cyberbullying at cyberlibel matapos umano nitong ibahagi ang larawan ng kaniyang buong pamilya.
Updated! Road closures at re-routing ng mga sasakyan simula Enero 8, para sa Traslacion 2026
Ngunit depensa ni Ridon, wala umanong katotohanan ang paratang ni Pokwang.
Aniya, “What were posted were photographs of Carlo Subong—the individual involved in the incident—whose actions constitute grave threats, physical injuries, and child abuse against Crispin Villamor and his daughter.”
“The public has every right to know the identity of a person who commits crimes against ordinary Filipinos,” dugtong pa ng kongresista.
Kaya naman hindi niya gaanong sineryoso ang banta ni Pokwang laban sa kaniya.
“There can be no cyberlibel or cyberbullying where statements are factual and based on publicly available information,” sabi ni Ridon.
Dagdag pa niya, “The photographs of Mr. Subong are publicly accessible. The LTO Show Cause Order is a public document. Mr. Subong’s actions were committed in full public view.”
Sa huli, iginiit ni Ridon na hindi si Pokwang at kapatid nito ang biktima sa naturang insidente.
“Hindi kayo ang biktima dito. Ang biktima dito ay si Crispin at ang kanyang anak. Ang biktima dito ay ang mga ordinaryong Pilipinong inaabuso ng mga katulad ni Carlo Subong,” aniya.
Maki-Balita: ‘Mambabatas pa naman kayo!’ Pokwang, naimbyerna sa politikong nakiepal sa isyu ng kapatid niya
