Inanunsyo ng Malacañang nitong Martes, Disyembre 16, ang pagkakatalaga kay Atty. Anna Liza Logan bilang bagong Chief Presidential Legal Counsel ni Pangulong Ferdinand “Bongbong” Marcos Jr.
Si Logan ang kapalit ni dating chief presidential legal counsel at senate president Juan Ponce Enrile, na sumakabilang-buhay noong Nobyembre.
Sino nga ba si Atty. Anna Liza Logan?
Bago mailuklok bilang chief legal counsel, si Logan ang Executive Secretary for Legal Affairs sa opisina ni PBBM.
'Mas marami pa akong maletang ipapadala!' Geodetic engineer couple, sinorpresa ni 'Zaldy Co' sa kasal
Bukod pa rito, mayroon din siyang mahabang karanasan sa civil at criminal litigation; family, labor, at human settlements adjudication commission cases, sa pagka-abogasya.
Kinatawan na rin ni Logan ang ilang fintech companies, real estate developers, at nonprofit organizations (NGOs) bilang partner sa law firm na Logan Masukat Ronulo Huang; bilang Associate sa Agabin Verzola Hermoso Layaoen & De Castro; at Junior Partner sa Marcos Ochoa Serapio and Tan (MOST), kung saan founding partner si First Lady Liza Araneta Marcos.
Matatandaang nag-apply sa pagka-Ombudsman si Logan matapos ang retirement ni Samuel Martires noong Hulyo 2025.
Sa kaugnay na ulat, ilan pang opisyal ang itinakda ni PBBM sa Office of the Executive Secretary (OES).
Ang mga opisyal na ito ay sina:
- Maria Luwalhati Dorotan Tiuseco bilang Senior Deputy Executive Secretary
- Danielle Marie Rieza-Culangen bilang Deputy Executive Secretary for General Administration
- Joseph Irvin Obenza bilang Deputy Executive Secretary for Financial Affairs
- Jesse Hermogenes Andres bilang Deputy Executive Secretary for Legal Affairs
- Erwin Sta. Ana bilang OES-Undersecretary for Economic Affairs
- Alemar Mosquito bilang Assistant Secretary under OES
Sean Antonio/BALITA
