Inaprubahan ng Sandiganbayan ang pagdedeklara kay dating Ako Bicol Partylist Rep. Zaldy Co bilang fugitive from justice at pag-aatas sa Department of Foreign Affairs (DFA) sa pagkansela ng pasaporte nito.
Ayon sa isinumiteng resolusyon ng fifth division ng Sandiganbayan, Quezon City na nakapetsa noong Huwebes, Disyembre 10, makikita ang pagdedeklara nila laban kay Co bilang opisyal na fugitive from justice.
“The Manifestation with Urgent Ex Parte Omnibus Motion and the Urgent Motion to Order the Cancellation of the Passport of Accused Elizaldy "Zaldy" Salcedo Co are GRANTED,” anila.
'Not admission of guilt!' Surigao Del Sur solon, nagbitiw sa bicam committee dahil sa delicadeza
Dagdag pa nila, “Accused Elizaldy "Zaldy" Salcedo Co is DECLARED a fugitive from justice.”
Bukod pa rito, ipinag-utos din ng hukuman ang agarang pagkansela ng pasaporte ni Co.
“The Department of Foreign Affairs is ORDERED to immediately cancel the Philippine Passport of Accused Elizaldy "Zaldy" Salcedo Co,” diin ng Sandiganbayan.
Matatandaang sinabi ni Pangulong Ferdinand "Bongbong" Marcos, Jr. noon ding Miyerkules, Disyembre 10, na nakansela na ang pasaporte ni dating Ako Bicol party-list Rep. Zaldy Co.
MAKI-BALITA: Passport ni Zaldy Co, kanselado na!—PBBM
Batay sa video na naka-upload sa Facebook page ng Pangulo, sinabi ni PBBM na nagbigay na siya ng instructions sa Department of Foreign Affairs (DFA) maging ang Philippine National Police (PNP) na makipag-ugnayan sa mga embahada sa iba't ibang bansa para kayaking hindi maaaring magtago sa iba't ibang bansa.
Kung sakali mang mapadpad sa partikular na bansa, inatasan ni PBBM ang embahada na agad na ipagbigay-alam sa pamahalaan upang maiuwi siya sa Pilipinas, at harapin ang mga isyung kinasasangkutan pagdating sa maanomalyang flood control projects.
MAKI-BALITA: ICI Chair sa pagsuko ni Sarah Discaya, pagkansela ng passport ni Co: 'We're being blessed by God'
MAKI-BALITA: 'Henyo sa anino?' UP prof, hulang may 'mastermind' sa likod ni Zaldy Co
Mc Vincent Mirabuna/Balita
