Naghain si dating Presidential Spokesperson
Atty. Harry Roque ng isang motion for reconsideration kaugnay ng pagkansela ng kaniyang pasaporteng Pilipino, na aniya’y “walang legal na basehan.”
Iginiit ni Roque na hindi siya isang pugante at ang kaniyang patuloy na pananatili sa Europe ay makatarungan bilang pag-eexercise ng kaniyang karapatang mag-apply para sa asylum.
Ayon sa dating Presidential Spokesperson, nagkamali ang Pasig City Regional Trial Court Branch 157 sa pagpapalawak ng depinisyon ng isang fugitive.
Sen. Bato, masayang nakita ang apo
Sa inihain niyang mosyon, binigyang-diin nito, “There is no room for interpretation that disregarded the time element, i.e., after being charged in the Philippine court, and focusing only on the purported intention to avoid prosecution.”
Dagdag pa sa mosyon, “When the court interprets the law which uses the word ‘flees’ in the New Philippine Passport Act, what is material is the time of actual ‘fleeing’ or the time that the citizen used his passport to travel outside of the jurisdiction after being charged to avoid prosecution.”
Matatandaang naghain si Roque ng aplikasyon, para sa asylum sa Netherlands noong Marso 19, 2025.
Giit ni Roque, ang kaniyang aplikasyon para sa asylum ay isang lehitimo at wastong dahilan ng kanyang pananatili sa labas ng bansa. Dahil dito, aniya, hindi siya dapat na maparusahan sa pamamagitan ng pagkansela ng kaniyang pasaporte dahil lamang sa hindi siya nakababalik sa Pilipinas.
