PCG, tuloy ang pa-libreng sakay bunsod ng 3-day transport strike-Balita

PCG, tuloy ang pa-libreng sakay bunsod ng 3-day transport strike

Nagpapatuloy ang pa-libreng sakay ng Philippine Coast Guard (PCG) para sa mga komyuter na apektado ng 3-day transport strike na ikinasa ng MANIBELA mula Disyembre 9 hanggang 11.

Sa ibinahaging social media post ng PCG nitong Miyerkules, Disyembre 10, mababasang ang inisyatibong ito ay mula raw sa direktiba ni Pangulong Ferdinand “Bongbong” Marcos Jr.

“In preparation for the impending travel ban, the Philippine Coast Guard will deploy buses on selected routes on December 9 to December 11, 2025,” saad ng PCG.

“This initiative is in line with the directive of President Ferdinand R. Marcos Jr., to ensure the continuous travel of the public despite the travel ban,” dagdag pa nila.

Ibinahagi rin nila sa naturang social media post ang bus routes ng naturang libreng sakay.

Bus routes

1. Quiapo - Lema - Morayta - UST - Lacson Ave - Welcome Rotonda - Quezon Avenue - Elliptical Road - Philcoa - UP Diliman - Visayas Avenue - Balara - Katipunan Avenue - Commonwealth Market - Litex - Ever Gotesco - Sandiganbayan - Batasan - IBP Road - Payatas - Fairview Center Mall - SM Fairview - Lagro

2. Kalaw - US Embassy - Roxas Boulevard - UN Avenue - Pedro Gil - Quirinio Avenue - CCP Complex - Vito Cruz - Libertad - Heritage Hotel- Baclaran Church - Redemptorist Road - Airport Road - NAIA Road - Kabihasnan - Tambo - Don Galo - La Huerta - San Dionisio - Baclaran - Sucat Road Intersection - SM City Sucat

Handa raw ang mga trucks at bus na bumiyahe sa kahit anong oras, lalo kung maoobserbahan nila na may mga pasahero nang stranded bunsod ng tigil-pasada.

Ayon naman sa ulat ng National Capital Region Police Office (NCRPO), “generally peaceful” daw ang unang araw ng 3-day transport strike.

Base naman sa pagsusuri ng Metropolitan Manila Development Authority (MMDA), tila walang epekto ang unang araw ng kilos-protesta ng MANIBELA, salungat sa pahayag ng transport group na ang National Capital Region (NCR) ay paralisado.

“No effect. No free rides dispatched because there are no stranded passengers. The strike is not felt,” ayon kay MMDA Traffic Discipline Office director for enforcement Victor Nuñez.

KAUGNAY NA BALITA: 'Paralisado ang NCR!' MANIBELA, sinabing walang pasada dahil sa 'kayabangan' ng DOTr, LTFRB, LTO-Balita

Matatandaang pinanindigan ng MANIBELA na ituloy ang kilos-protesta sapagkat matagal na raw silang sinasaktan ng bulok na sistema.

“Tuloy ang 3-Day Transport Strike mula December 9–11. Hindi dahil gusto namin, kundi dahil matagal na kaming sinasaktan ng sistemang bulok. Dinidrible-drible lang kami,” saad ng MANIBELA sa kanilang post kamakailan.

MAKI-BALITA: 'Matagal na kaming sinasaktan ng sistemang bulok! MANIBELA, nanindigang tuloy 3-day transport strike-Balita

Vincent Gutierrez/BALITA

Sen. Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Nag-anunsyo ng ₱100,000 pabuya ang dating alkalde at kongresista ng Valenzuela City na si Department of Social Welfare and Development (DSWD) Sec. Rex Gatchalian para sa sinumang makapagbibigay ng impormasyon hinggil sa malupit na pag-abuso sa asong si Kobe sa Brgy. Balangkas, Valenzuela City.Ayon sa Philippine Animal Welfare Society (PAWS), personal silang lumapit upang humingi ng tulong...

Para tumaas populasyon: China, lalagyan ng VAT mga condoms, contraceptive pills

Nakatakdang simulan ng China ang pangongolekta ng value-added tax (VAT) sa contraceptive drugs at products sa unang pagkakataon matapos ang mahigit tatlong dekada.Bahagi ito ng hakbang ng pamahalaan na hikayatin ang mga pamilya na magkaroon ng mas maraming anak matapos ang mahabang panahon ng mahigpit na population control.Batay sa bagong batas ng naturang bansa sa value-added tax, ang mga...