Hindi na raw gusto pang makatrabaho ng aktor mula sa pelikulang “UnMarry” ng Metro Manila Film Festival (MMFF) na si Tom Rodriguez ang dati niyang asawa na si Kapuso actress Carla Abellana.

Sa isinagawang media conference ng pelikulang UnMarry kamakailan, isiniwalat ni Tom na ayaw niya na umanong makatrabaho si Carla, at ayaw niya na ring balikan ang kanilang nakaraan.

“For me, I’m okay with what I have. I’d rather, I’d rather not. I don’t need to revisit that,” saad ni Tom.

May hiling din si Tom para kay Carla at sa non-showbiz boyfriend nito, matapos kumpirmahin ng aktres na siya ay engaged na.

“I wish them well. I wish her well. Everyone deserves happiness, and we all deserve to move on. Kaya, I’m glad we’re all finally moving on,” aniya.

MAKI-BALITA: May pa-singsing! Carla Abellana, engaged na nga ba?-Balita

Ibinahagi din ni Tom ang kaniyang reaksiyon matapos mapag-alaman ang naturang balita ukol sa dating asawa.

“Recently ko lang nalaman because of this, because of this media con, and when I heard it nga, it’s an honest reaction, I wish her well, wish them well, and ‘yon nga I’m glad to know everyone is moving on. We all deserve it,” pagtatapos niya.

Matatandaang isiniwalat din ni Tom na siya ay ikinasal na at tahimik nang naninirahan kasama ang kaniyang pamilya sa ibang bansa.

MAKI-BALITA: 'Di ko naman sila tinatago!' Tom Rodriguez, kinasal na?-Balita

Vincent Gutierrez/BALITA