Hindi na makalaya, dinadalaw mo 'ko bawat gabi…
Nanguna bilang “Top Local Artist” at “Top Local Group” ang tubong-Baguio na OPM band, Cup of Joe, sa inilabas na 2025 Wrapped ng digital audio platform, Spotify, nitong Huwebes, Disyembre 4.
Ang kanilang hit song na “Multo” naman ang nanguna sa “Top Tracks of 2025” sa bansa.
Dahil sa achievement nilang ito, lubos na nagpasalamat ang Cup of Joe sa kanilang fans o “Joewahs” dahil sa naging connection nila sa isa’t isa sa pamamagitan ng kanilang mga tugtog.
Magaling din sa nota! Salome Salvi, pinasok na ang pagkanta sa pelikula
“It’s incredibly overwhelming to see our songs become part of people’s playlists and their big moments this year — it reminds us that we’ve somehow become part of their story. Knowing that someone found comfort or connection in our music is one of the best feelings. We’re excited to grow, experiment, and share more pieces of ourselves with our listeners,” masayang saad ng banda.
Kasama rin sa “Top 5 Local Artists of 2025” ang bandang December Avenue, at soloists na sina Arthur Nery, Dionela, at TJ Monterde.
Sa “Top 5 Local Groups of 2025” naman, sumunod ang December Avenue, Ben&Ben, Parokya ni Edgar, at Silent Sanctuary.
Sinundan naman ng kantang “Tibo” ni Earl Agustin, “Marilag” ni Dionela, “Sa Bawat Sandali” ni Amiel Sol, at “My Day” ni HELLMERRY ang “Multo” ng Cup of Joe sa “Top 5 Local Songs of 2025.
Bukod sa artists at mga tugtugin, kabilang rin ang podcast platforms sa mga naging parte ng Spotify Wrapped ng maraming Pinoy.
Unang-una na rito ang “Barangay Love Stories” “Papa Dudut Stories,” na parehas mula sa Barangay LS 97.1.
Sumunod ang relationship podcast ng “Will Talks,” ang “Dear MOR,” na isang radio drama anthology na unang lumabas noong 2013; at ang “Sitio Bangungot” na isang Pinoy horror sleep podcast.
Sean Antonio/BALITA
