Tinuligsa ng Prelature of Isabela de Basilan ang kumalat na edited photo ni Sen. Rodante Marcoleta bilang nag-anyong si Sta. Isabel de Portugal na pinagdarasalan ni Vice President Sara Duterte.
Sa inilabas na pahayag ni Basilan Bishop Leo M. Dalmao kamakailan, sinabi niyang hindi lang umano nililihis ng nagpakalat ng larawan ang publiko, dinudusta rin umano nito ang dignidad ng pananampalataya at banal na simbolo ng simbahan.
Aniya, “Such acts of deception and disrespect not only mislead the public but also offend the dignity of our faith and the sacred symbols we hold dear.”
“I call on all people of goodwill to reject these forms of digital manipulation that sow confusion and division, and to remain steadfast in upholding truth, respect, and ethical communication in our communities,” dugtong pa ng obispo.
'Dedma kung dating hepe!' DILG, tiwalang kayang arestuhin ng PNP si Sen. Bato
Ibinahagi ng Facebook page na “Balita at Kaalaman” ang retokadong larawan na tinutukoy ni Bishop Dalmao.
Sa kasalukuyan, habang isinusulat ang artikulong ito, umabot na sa 9.1K reactions at 465 shares ang nasabing post.
