Nagsalita na rin ang Department of Social Welfare and Development (DSWD) hinggil sa pelikulang “Ngongo” ng kontrobersyal na direktor na si Darryl Yap.

Sa isang pahayag na ibinahagi ni DSWD Assistant Secretary Irene Dumlao nitong Biyernes, Nobyembre 28, hindi raw dapat tino-tolerate ang kahit anong uri ng diskriminasyon sa mga person with disabilities (PWD).

“The DSWD condemns any depiction that disrespects persons with disabilities. Ang anumang uri ng diskriminasyon, sa pelikula man, sa media, o sa komunidad, ay hindi natin dapat tino-tolerate,” saad ni Dumlao.

Bukod sa DSWD, nagbigay rin ng pahayag kamakailan ang National Council on Disability Affairs (NCDA), attached agency ng DSWD.

“Such portrayal directly violates the principles of dignity, respect, and inclusion as mandated under Republic Act 7277 (Magna Carta for Persons with Disabilities), RA 9442, and the UN Convention on the Rights of Persons with Disabilities (UNCRPD). Films or media content that use disability as a punchline, insult, or form of mockery reinforce stigma and harmful stereotypes, barriers that the disability sector continues to fight against,” saad ng NCDA sa kanilang social media post.

MAKI-BALITA: NCDA, kinondena produksyon ng pelikulang 'Ngongo'-Balita

Suhestiyon naman ng komedyana at aktres na si Kim Molina, panoorin daw muna ang naturang pelikula, kaugnay sa natatanggap nitong batikos.

MAKI-BALITA: ‘Panoorin n’yo muna!’ Kim Molina, dinepensahan ‘Ngongo’ ni Jerald Napoles-Balita

Vincent Gutierrez/BALITA