Nasamsam ng Bureau of Customs (BOC) ang humigit-kumulang ₱807,000 halaga ng diumano'y high-grade marijuana na itinago sa mga stuffed toy.

Sa pahayag ng BOC nitong Miyerkules, Nobyembre 26, nasabat ng awtoridad ang 538 gramo ng "kush" na nakatago sa loob ng parcel na idineklara bilang "keychains," na dumating mula sa Hongkong noong Nobyembre 15 at daldalhin patungong Biñan, Laguna.

Na-flag ng X-ray Inspection Project (XIP) ng BOC ang naturang parcel dahil sa kahina-hinalang larawan na nakita.

Noong Nobyembre 19, nagtungo ang operatiba ng Philippine Drug Enforcement Agency (PDEA) at nagsagawa ng K-9 sniff test.

National

Ogie Diaz, pinalagan sinabi ni Greco Belgica na hayaan mga 'tunay na lalaki' sa gobyerno

Nagsagawa rin sila ng full physical examination kung saan ang dalawang box ng "Labubu" keychains ay naglalaman ng dalawang transparent sealed pouches na may dried leaves at fruiting tops na hinihinalang high-grade marijuana.

Isang Warrant of Seizure and Detention ang inisyu laban sa shipment dahil sa paglabag sa Section 118(g), Section 119(d), and Section 1113 paragraphs (f), (i), and (l) of Republic Act No. 10863, o kilala bilang Customs Modernization and Tariff Act (CMTA), kaugnay ng R.A. No. 9165.

 “The Port of Clark maintains a heightened watch against any form of drug smuggling. Our proactive operations safeguard the public from the harms of illegal drugs and contribute to building safer communities,” saad ni District Collector Jairus S. Reyes.

“This successful seizure, through the coordinated efforts of the BOC and partner enforcement agencies, demonstrates our unyielding resolve in preventing the entry of illegal drugs into the country. We will continue working with our law enforcement partners to protect our people and uphold public safety," saad naman ni Customs Commissioner Ariel F. Nepomuceno.