Tila proud mama si Angelica Yulo sa kaniyang anak na si Karl Eldrew Yulo matapos makakuha ng bronze medal sa ginanap na Men’s Horizontal Bar Finals sa 2025 Artistic Gymnastics Junior World Championships noong Lunes, Nobyembre 24 sa Marriott Grand Ballroom sa Pasay City.
Kasunod ito ng isang matagumpay na performance ni Karl Eldrew sa floor exercise finals ng 2025 3rd FIG Artistic Gymnastics Junior World Championships na isinagawa naman sa Newport World Resorts sa Pasay City kamakailan, kung saan nakasungkit din siya ng bronze medal.
MAKI-BALITA: Karl Eldrew Yulo, nasungkit bronze medal sa Junior World Championships-Balita
“Another bronze for Karl Eldrew Yulo on horizontal bars #TatakYULO,” saad ni Angelica sa kaniyang social media post noong Lunes ng gabi, Nobyembre 24.
Kalakip ng naturang post ang isang video mula sa Philippine Gymnastics Enthusiasts kung saan makikita ang winning performance ni Karl Eldrew.
Photo courtesy: Angelica Poquiz Yulo/FB
Mababasa naman sa comment section ng post ni Angelica ang ilang komento mula sa netizens hinggil sa pagkakapanalo ni Karl Eldrew sa nasabing kompetisyon.
“This is where.....BRONZE glitters more than GOLD..........and that not all GOLD glitters......”
“CONGRATS Anak. More blessing and more more medals . YOU deserve it Anak !”
“congrats eldrew god bless you more”
“Ang galing! Congratulations, Karl Eldrew Yulo! Way to go for the gold!”
“Congratulations Ate Angelica Poquiz Yulo sa buo nyo pong family lalo na kay Karl Eldrew Yulo super miss ko na po kayo. More awards pa po na matanggap nya!”
“Tatak Mommy A ang Energy talaga. congratulations po”
“Ang pinaka blessed na Nanay sa mundo Angelica Poquiz Yulo. Mabuhay kayong mag asawa”
“Congratulations Eldrew! to proud parents, too for rearing up well children that excell internationally. Golds for Carlos n Bronze for Eldrew ( a very good beginning for Eldrew in a World Championship)”
Matatandaang nakuha ni Karl Eldrew ang ikawalong puwesto sa Men’s All-around Finals, samantalang pang-apat naman siya sa ginanap na Men’s Vault Finals.
Vincent Gutierrez/BALITA
