Pinuna ni Senate President Vicente "Tito" Sotto III, ang asal umano ng mga police escorts ng ilang VIPs sa kalsada, na nakakaapekto raw sa mga motorista.
Sa budget deliberation ng Department of Interior and Local Government (DILG) noong Huwebes, Nobyembre 20, 2025, iginiit ni Sotto na dapat daw dumaan sa regular lectures at workshop ang mga police escorts.
"May we request that you make them undergo regular lectures, reminders like workshop to be more polite and more proper decorum, respectful when they escort the VIPs," anang Senate President.
Pagbabahagi pa niya, maging siya raw nakaranas na bigla na lang daw patabihin ng mga police escorts para sa pagdaan ng mga VIPs.
Leviste, pinuna pagtaas sa ₱18.58B ng MOOE ng Kamara sa 2026 nat'l budget
"Kasi pati ako minsan pinatabi ng mga hagad eh. So not me. AKo yun eh. Madali yun. As a matter of fact, I can do with it," saad ni Sotto.
Dagdag pa niya, "Pero ang mga kababayan natin, marami naiinis na tinatabig sila, tinatabi sila. Konting ano siguro, konting decorum, respectful."
Binengga rin ni Sotto ang tila traffic na naidudulot ng traffic ng mga police escort na nakahambalang daw sa kalsada.
"So kung nag-escort sila, okay, pero respectful sila. ‘Ika nga'y hindi sila sirena nang sirena sa mga dun sa mga wala naman magawa yung iba. Natra-traffic eh. May sinusundang ka rin eh, na-traffic din eh," saad ni Sotto.
