‘It will be the first in the country!’ Mayor Leni, ibinida AI City Planner para sa Naga-Balita

‘It will be the first in the country!’ Mayor Leni, ibinida AI City Planner para sa Naga

Ipinagmalaki ni dating Vice President at ngayo’y Naga City Mayor Leni Robredo ang aprubadong AI City Planner para sa siyudad na kaniyang pinamumunuan.

Sa ibinahaging Facebook post ni Robredo nitong Huwebes, Nobyembre 20, makikitang aabot sa ₱6.7 milyon ang inaprubahang aplikasyon para sa naturang proyekto.

“Our application for a ₱6.7 M grant for an AI City Planner has been approved!! This will help us do a more effective, people-centric transport and land use planning, monitoring, and evaluation that’s AI-empowered,” saad ni Robredo. “It will be the first in the country.”

Aniya pa, ang proyektong ito ay isa raw hakbang para maabot niya ang kaniyang adhikain para sa Naga City.

“This brings us closer to our goal of an Open, Digital and Participatory Naga by 2028,” ani Robredo.

Ipinaabot din niya ang kaniyang pasasalamat matapos kilalanin ang kaniyang proposal, na layong maghatid ng inobasyon sa naturang lugar.

“Thank you, Dr Syrus Gomari, for helping us with the grant proposal. Thank you, DepDev, for recognizing this innovative project,” pagtatapos niya.

Photo courtesy: Leni Gerona Robredo/FB

Ayon naman sa Department of Economy, Planning, and Development (DEPDev), ang naturang aplikasyon ni Robredo ay napag-alaman nilang makapagbibigay ng mga bagong oportunidad at inobasyon sa nasabing lugar, base sa kanilang pagsusuri.

“We have concluded that your proposal offers innovative solutions with the potential to unlock new opportunities and advance the objectives of the National Innovation Agenda and Strategy Document 2023-2032. This decision follows a competitive evaluation process under the DEPDev Memorandum Circular No. 1 s. 2025,” anila.

Sa usapin ng artificial intelligence (AI), matatandaang tiniyak ni Pangulong Ferdinand “Bongbong” Marcos Jr. na gagamitin ng administrasyon ang AI bilang makabagong reporma para sa mas maayos na sistema ng flood control sa bansa.

“Mayroon tayong nakita na bagong smart technology na ginagamit na ang AI. Tinitingnan niya ‘yong proseso no’ng kontrata, at kapag mayroong hindi tama ang takbo ng proseso ng kontrata, magfa-flag ‘yan para tingnan ulit ito, at magkukwestiyon kung maganda ba ang pag-implement ng proyekto,” saad ni PBBM.

MAKI-BALITA: ‘Smart tech na!’ AI, isa sa mga bagong reporma sa sistema ng flood control projects–PBBM-Balita

Vincent Gutierrez/BALITA

Sen. Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Nag-anunsyo ng ₱100,000 pabuya ang dating alkalde at kongresista ng Valenzuela City na si Department of Social Welfare and Development (DSWD) Sec. Rex Gatchalian para sa sinumang makapagbibigay ng impormasyon hinggil sa malupit na pag-abuso sa asong si Kobe sa Brgy. Balangkas, Valenzuela City.Ayon sa Philippine Animal Welfare Society (PAWS), personal silang lumapit upang humingi ng tulong...

Para tumaas populasyon: China, lalagyan ng VAT mga condoms, contraceptive pills

Nakatakdang simulan ng China ang pangongolekta ng value-added tax (VAT) sa contraceptive drugs at products sa unang pagkakataon matapos ang mahigit tatlong dekada.Bahagi ito ng hakbang ng pamahalaan na hikayatin ang mga pamilya na magkaroon ng mas maraming anak matapos ang mahabang panahon ng mahigpit na population control.Batay sa bagong batas ng naturang bansa sa value-added tax, ang mga...