Nasakote ng Land Transportation Office (LTO) ang anim na luxury cars matapos umanong lumabag sa ilang vehicle regulations sa Bulacan.
Ayon sa ibinahaging post ng LTO sa kanilang Facebook page nitong Miyerkules, Nobyembre 19, sinabi nilang sinamsam nila ang mga nasabing sasakyan dahil wala itong mga license plate, gumamit ng pekeng license plate, at vehicle registration.
“The Land Transportation Office (LTO) has impounded six luxury vehicles that were apprehended in Marilao, Bulacan, for violations including no license plates attached, use of fake license plates, and no vehicle registration,” pagsisimula nila sa caption ng nasabing post.
Photo courtesy: Land Transportation Office (FB)
'Grief and mourning are not the same!' Anak ni Enrile, may napagnilayan sa pagpanaw ng ama
Anang LTO, parte ng operasyon nilang ito ang pagsusulong ng batas-trapiko at pagsisigurado sa tamang pagsunod sa mga regulasyon.
Isa sa idiniin ng nasabing ahensya, sa pangunguna ni LTO Chief, Assistant Secretary Markus V. Lacanilao, ang tinawag nilang “totoong hulihan” maging anoman ang brand, halaga, at mukha ng sasakyan.
“LTO Chief, Assistant Secretary Markus V. Lacanilao, stressed that this operation exemplifies ‘Totoong Hulihan,’ demonstrating that the law is applied fairly regardless of a vehicle’s brand, value, or appearance, and underscored that ensuring road safety and accountability is a shared responsibility,” anang LTO.
“Asec. Lacanilao also reminded the public that all vehicles must have complete documentation, be properly registered, have license plates correctly installed, and be operated only by duly licensed drivers. He emphasized that compliance is essential to protect public safety and maintain order on the roads,” pagtatapos pa nila.
Samantala, hindi naman na inisa-isa ng LTO ang brand ng mga nasabing sasakyan at pagkakakilanlan ng mga may-ari nito.
Mc Vincent Mirabuna/Balita
