DFA, nagpasalamat sa G7 matapos kondenahin panggigipit, pamumuwersa sa South China Sea-Balita

DFA, nagpasalamat sa G7 matapos kondenahin panggigipit, pamumuwersa sa South China Sea

Nagpahayag ng pasasalamat ang Department of Foreign Affairs (DFA) sa G7 matapos nitong kondenahin ang paggamit ng puwersa at panggigipit sa South China Sea.

Kaugnay ito sa inilabas na joint statement ng G7 at Europian Union noong Nobyembre 12 na nagsasabing dapat na sundin ang inilabas na desisyon ng tribunal sapagkat ito ay may bisa, kasabay din ang pagdiin sa dalang panganib ng mga water canon sa katubigan.

Sa inilabas naman na pahayag ng DFA noong Martes, Nobyembre 18, ibinahagi rin nilang nagpapahayag sila ng parehong sentimyento hinggil sa kahalagahan ng maritime security at pagsunod sa mga batas na may kinalaman dito.

“The Philippines welcomes the Joint Statement of G7 Foreign Ministers’ Meeting in Niagara published last 12 November 2025 that, among others, reaffirmed the importance of a free and open Indo-Pacific based on the rule of law, and expressed strong opposition to the use of force and coercion in the South China Sea,” panimula ng DFA.

“The Philippines also shares the G7’s views on the fundamental importance of maritime security and prosperity in global stability, economic resilience, and the well-being of all nations, and on the reaffirmation of the United Nations Convention of the Law of the Sea (UNCLOS),” dagdag pa nila.

Kinikilala rin ng DFA ang panawagan ng G7 para sa seguridad ng Indo-Pacific, kasabay ang pagpapahalaga sa 2016 Arbital Award bilang basehan sa isang mapayapang rehiyon.

“We likewise share the G7’s serious concern over the use of dangerous maneuvers and water cannons, as well as efforts to restrict freedom of navigation and overflight through militarization and coercion, in the South China Sea,” anang DFA.

“We appreciate the G7’s call for security, stability, and prosperity in the Indo-Pacific, including the South China Sea, and its reiteration of the significance of the 2016 Arbitral Award as a basis for the peaceful management and resolution of differences at sea,” pagtatapos nito.

Photo courtesy: DFA/FB

Matatandaang kamakailan ay nagpahayag ng pagkabahala ang Pilipinas matapos ang sunod-sunod na paggamit ng China ng water canon sa katubigan.

KAUGNAY NA BALITA: BFAR vessel binangga, binombahan ng tubig ng Chinese vessel sa Pag-asa Island-Balita

KAUGNAY NA BALITA: Ilang armadong sasakyang pandagat, himpapawid ng China, naispatan sa Ayungin Shoal-Balita

Sa ginanap namang Association of Southeast Asian Nations (ASEAN) Summit kamakailan, kinondena mismo ni Pangulong Ferdinand “Bongbong” Marcos Jr. ang pangha-harass ng China sa West Philippine Sea (WPS), ngunit nanindigang mananatiling kalmado at matatag ang Pilipinas hinggil sa isyung ito.

MAKI-BALITA: Sa mismong ASEAN Summit! PBBM, kinondena pangha-harass ng China sa isyu ng West Philippine Sea-Balita

MAKI-BALITA: PBBM sa isyu ng WPS matapos ang ASEAN Summit: 'Philippines will continue to remain firm, calm, resolute'-Balita

Vincent Gutierrez/BALITA

Sen. Bato, masayang nakita ang apo

Masaya si Senador Ronald “Bato” Dela Rosa na makita ang minamahal niyang apo. Sa latest Facebook post ni Dela Rosa nitong Biyernes, Disyembre 12, flinex niya ang kaniyang larawan habang karga ang sanggol.“Happy to see you my apo” saad sa caption.Ito ay sa kabila ng umuugong na balitang may naghihintay na arrest warrant laban sa kaniya mula sa International Criminal Court (ICC) dahil sa...

DSWD Sec. Gatchalian, may alok na ₱100K pabuya sa makakapagturo ng salarin sa asong pinutulan ng dila

Nag-anunsyo ng ₱100,000 pabuya ang dating alkalde at kongresista ng Valenzuela City na si Department of Social Welfare and Development (DSWD) Sec. Rex Gatchalian para sa sinumang makapagbibigay ng impormasyon hinggil sa malupit na pag-abuso sa asong si Kobe sa Brgy. Balangkas, Valenzuela City.Ayon sa Philippine Animal Welfare Society (PAWS), personal silang lumapit upang humingi ng tulong...

Para tumaas populasyon: China, lalagyan ng VAT mga condoms, contraceptive pills

Nakatakdang simulan ng China ang pangongolekta ng value-added tax (VAT) sa contraceptive drugs at products sa unang pagkakataon matapos ang mahigit tatlong dekada.Bahagi ito ng hakbang ng pamahalaan na hikayatin ang mga pamilya na magkaroon ng mas maraming anak matapos ang mahabang panahon ng mahigpit na population control.Batay sa bagong batas ng naturang bansa sa value-added tax, ang mga...