Ipinahayag ni Vice President Sara Duterte ang kaniyang pagdadalamhati at pakikiramay sa pamilyang naulila ni dating Senate President at Chief Presidential Legal Counsel Juan Ponce Enrile.

Ito ay matapos kumpirmahin mismo ng anak ni JPE na si Katrina Ponce Enrile ang pagkamatay ng kaniyang ama, sa edad na 101.

KAUGNAY NA BALITA: Juan Ponce Enrile, pumanaw na sa edad na 101-Balita

“Pinapaabot namin ang aming pakikiramay sa buong pamilya ni dating Senate President Juan Ponce Enrile,” ani VP Sara sa ginanap na 90th Anniversary of the Office of the Vice President (OVP) sa Makati Shangri-La, Manila nitong Biyernes, Nobyembre 14.

“Inaalala po namin ang kaniyang kontribusyon sa ating bayan—lalong-lalo na sa kalayaan at demokrasya [ng ating bansa],” saad pa niya.

Samantala, nagpaabot din ng pakikiramay ang ilang politiko at ahensya ng gobyerno bilang pagkilala sa legasiya at iniwang marka ni JPE sa larangan ng politika.

KAUGNAY NA BALITA: 'Maraming salamat, Tito Johnny!' PBBM, nag-alay ng tribute sa pagpanaw ni Enrile-Balita

KAUGNAY NA BALITA: SP Sotto, HS Dy nakidalamhati sa pagpanaw ni Juan Ponce Enrile-Balita

KAUGNAY NA BALITA: AFP, naghatid ng pakikiramay kay JPE-Balita

KAUGNAY NA BALITA: 'Icon in defense policy and strategy!' DND, nakiramay sa pagpanaw ni JPE-Balita

Vincent Gutierrez/BALITA